Австралияның Жаңа Оңтүстік Уэльс штатының билігі үш жастан асқан балаларға өз бетінше жынысын таңдауға рұқсат бермек, деп хабарлайды «Адырна» тілшісі Daily Mail-ға сілтеме жасап.
Балалар басқармасы шығарған нұсқаулық биыл алғаш рет енгізілді. Құжатта үш жастан сегіз жасқа дейінгі балаларға қамқорлық жасайтын ересектер мен ата-аналар олардың жынысын анық көрсетпеуі керек делінген.
"Мүмкіндіктерді кеңейту және қатысу" деп аталатын Үкімет жарияланымы ғалымдар мен сарапшылар арасында жағымсыз реакция тудырды.
Сыншылар мектеп жасына дейінгі баладан оның гендерлік сәйкестігі туралы сұрау жеке тұлғаның дамуына зиян тигізуі мүмкін деп ескертеді. Сондай-ақ олар бұл балаларды шатастыруы мүмкін деп санайды. Сарапшылардың пікірінше, бүлдіршіндер гендер ұғымының мәнін толық түсіне қойған жоқ.
«Адырна» ұлттық порталы
