Қазақстанда журналистерге арналған бірегей сөздік жарық көрді

2936
Adyrna.kz Telegram

Қазақстан Республикасының мемлекет қайраткері, қазақ дипломаты Дәурен Абаев "Сөзтүзер" атты қате қолданыстағы сөздіктің тұсаукесерін өткізді, деп хабарлайды "Адырна" тілшісі.

"Сөзтүзер" - қате қолданыстар сөздігі БАҚ-тағы мемлекеттік тілдің қолданысын реттеуге және ана тілдің тазалығын сақтауға арналған жоба.

"Соңғы кезде қазақша баспасөз бен телеарналарда әртүрлі қателердің белең алғаны жиі айтылып жүр. Уақыт өткен сайын ондай қателер күнделікті қолданысқа еніп кетуі мүмкін. Одан ана тіліміздің табиғаты бұзылып, сауаттылық деңгейінің төмендеуі ықтимал. Сондықтан біз осы мәселені шешу үшін беделді ғалымдар мен тіл мамандары бірігіп осы сөздікті жарыққа шығардық", дейді Дәулет Абаев.

Сөздікті жасау жұмысы былтыр мамыр айынан бастап қолға алынған. Сөздікте жиі кездесетін 2000-нан астам қате қолданыстар жинақталған. Олар жан-жақты түсіндіріліп дұрыс нұсқасы көрсетілген. Көбіне жүйелі қателер іріктелген.

"Адырна" ұлттық порталы

Пікірлер