قازاقستاندىق تاەكۆوندوشى جانسەل دەنيز تۇركيادا حالىقارالىق تۋرنيردە توپ جاردى، دەپ حابارلايدى «ادىرنا» ءتىلشىسى Olympic.kz-كە سىلتەمە جاساپ.
تۇركيانىڭ ستامبۋل قالاسىندا تاەكۆوندودان رەيتينگتىك "WT President's Cup Europe" جارىسى ءوتتى. اتالعان باسەكەدە قازاقستان قۇراماسىنىڭ قورجىنى قوس جۇلدەمەن تولىقتى.
ايەلدەر اراسىندا 73 كەلىدە سىنعا تۇسكەن جانسەل دەنيز ءوز سالماق دارەجەسىندە قارسىلاس شاق كەلتىرمەي، جارىس جەڭىمپازى اتاندى. ال ەرلەر اراسىندا باق سىناعان ساميرحان اۋباكىروۆ 54 كەلى سالماق دارەجەسىندە قولا جۇلدەنى قورجىنعا سالدى.
ايتا كەتەرلىگى، اتالعان تۋرنير جانسەل دەنيزدىڭ توكيو وليمپياداسىنان كەيىنگى العاشقى دوداسى.
«ادىرنا» ۇلتتىق پورتالى
