Qazaqstandyq taekvondoşy Jansel Deniz Türkiiada halyqaralyq turnirde top jardy, dep habarlaidy «Adyrna» tılşısı Olympic.kz-ke sılteme jasap.
Türkiianyŋ Stambul qalasynda taekvondodan reitingtık "WT President's Cup Europe" jarysy öttı. Atalǧan bäsekede Qazaqstan qūramasynyŋ qorjyny qos jüldemen tolyqty.
Äielder arasynda 73 kelıde synǧa tüsken Jansel Deniz öz salmaq därejesınde qarsylas şaq keltırmei, jarys jeŋımpazy atandy. Al erler arasynda baq synaǧan Samirhan Äubakırov 54 kelı salmaq därejesınde qola jüldenı qorjynǧa saldy.
Aita keterlıgı, atalǧan turnir Jansel Denizdıŋ Tokio Olimpiadasynan keiıngı alǧaşqy dodasy.
«Adyrna» ūlttyq portaly
