Алматыдағы Алатау ауданында атыс шығарып, полицейге оқ жаудырған қылмыскердің жұбайы Анаида Демирчян үндеу жасады, - деп хабарлайды “Адырна” ұлттық порталы.
Tengrinews.kz сайтының жазуынша, Анаида Демирчян бұл ушыққан жағдай бақылаудан шығып кеткенін айтып жаны шығып отыр.
"Мен ол кезде үйде балалармен болғанмын. Жедел жәрдем шақырдық. Бәрі қалай болғанын білмеймін. Мен көрген жоқпын. Тек атыстың даусын естідім. Бірақ сол кезде прокуратура, кезекші келгенде ол заң жүзінде бәрін түсіндіргенде қылмыстың алдын алар еді, түсінесіздер ме? Адамдар зардап шекті. Күйеуім, отбасым зардап шекті. Енді не боларын білмеймін. Біз заңға бағынатын азаматтар екенімізді, президентке миллион рет үндеу жасағанымды бүкіл әлем білсін. Қазір де үндеу жасаймын. Құрметті, Президент мырза! Сіз конституция кепілісіз, менің кәмелетке толмаған балаларымды қорғаңыз. Кішкентай баламның жүрегі ауырады, кеше ұстамасы ұстап қалды. Ал сот орындаушысына бәрібір, ол жедел жәрдем де шақырмады. Біздің қызметкерлердің жемқорлық пен заңсыз әрекеттері туралы мемлекет те, Президент, сіз де жақсы білесіз", - дейді Анаида Демирчян.
