قازاقستاندا نيقاب كيۋگە زاڭ جۇزىندە تىيىم سالىنۋى مۇمكىن. بۇل ءتىرالى مادەنيەت جانە اقپارات ءمينيسترى ايدا بالاەۆا اقوردا دالىزىندە ايتىپ بەردى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەپ.
«جەكە زاڭ جوق. بۇل ماسەلە ءىىم-ءنىڭ زاڭ جوباسىندا قاراستىرىلىپ جاتىر. وندا قاۋىپسىزدىك ماقساتىندا نيقاب كيۋگە تىيىم سالۋ كوزدەلگەن. قازىر ول ماجىلىستە تالقىلانىپ جاتىر. بىلۋىمشە، ءبىرىنشى وقىلىم جاقىن ارادا وتەدى»، – دەدى ايدا بالاەۆا اقوردا دالىزىندە.
قازاقستاندا قوعامدىق ورىنداردا ءدىني كيىم كيۋ ماسەلەسى بىرنەشە جىلدان بەرى تالقىلانىپ كەلەدى.
ناۋرىز ايىندا اتىراۋدا قازاقستاننىڭ تۋىنا ارابشا جازۋ جازىپ سۋرەتكە تۇسكەن نيكقابتاعى قىزدار پوليتسياعا جەتكىزىلگەن ەدى.
