قىزمەتكەرىن زورلادى دەگەن كۇدىكپەن لگبت بەلسەندىسى 2 ايعا قامالدى

660
Adyrna.kz Telegram
https://adyrna.kz/content/uploads/2025/06/da1691ba-7a07-446f-9727-08fc2830f613-960x500.jpeg?token=afecaff3e9f10d53de42faaba57892e8

الماتىدا ءوزىنىڭ قىزمەتكەرىن زورلادى دەگەن كۇدىكپەن لگبت بەلسەندىسى 2 ايعا قامالدى. اتالعان جاعدايعا بايلانىستى الماتى قالالىق پوليتسيا دەپارتامەنتىنىڭ ءباسپاسوز قىزمەتى پىكىر ءبىلدىردى، دەپ حابارلايدى “ادىرنا”.

الەۋمەتتىك جەلىلەردە ءوزىن ەليسەي دەپ تانىستىرعان ازاماتتىڭ زورلىق كورگەنى تۋرالى ايتقان بەينەجازباسى تاراعان بولاتىن. ۆيلەودا جابىرلەنۋشى تۇنگى مەكەمەدە جۇمىس ىستەيتىنىن ايتىپ، باستىعىنان زورلىق كورگەنىن مالىمدەگەن.

“مەدەۋ اۋداندىق پوليتسيا باسقارماسى قىلمىستىق ءىس قوزعادى. جەدەل-ىزدەستىرۋ ءىس-شارالارى بارىسىندا جابىرلەنۋشىنىڭ جەكە باسى انىقتالىپ، ول پوليتسياعا رەسمي تۇردە ارىزداندى. كۇدىكتى رەتىندە 29 جاستاعى ازامات — اتالعان مەكەمەنىڭ باسشىسى ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا قاجەتتى تەرگەۋ امالدارى جۇرگىزىلىپ جاتىر. تەرگەۋ بارىسىندا كۇدىكتىنىڭ ارەكەتىنە قۇقىقتىق باعا بەرىلەدى، ونىڭ ىشىندە مالىمدەلگەن جاعدايلار ەسكەرىلەتىن بولادى. الدىن الا تەرگەۋدىڭ بارىسى الماتى قالالىق پوليتسيا دەپارتامەنتى باسشىلىعىنىڭ باقىلاۋىندا”،– دەلىنگەن حابارلامادا.

وقيعا الماتىداعى “اميروۆكا” اتتى تۇنگى مەكەمەدە بولعان. بۇل مەكەمە لگبت قاۋىمداستىعى وكىلدەرىنىڭ باس قوساتىن ورنى رەتىندە تانىلعان. تۇنگى كلۋب اكىمشىلىگى وقيعاعا بايلانىستى پىكىر ءبىلدىرىپ، لگبت بەلسەندىسى ءارى باردىڭ يەسى امير شايكەجانوۆتىڭ باسشىلىق قىزمەتىنەن شەتتەتىلگەنىن حابارلادى.

ء“بىز زورلىق-زومبىلىقتىڭ، حاراسسمەنتتىڭ، شەكارا بۇزۋدىڭ، كۆيرفوبيانىڭ جانە ادام قادىر-قاسيەتىنە قۇرمەتسىزدىك بىلدىرەتىن كەز كەلگەن ارەكەتتى قاتاڭ ايىپتايمىز. زورلىق تەك نيەت ماسەلەسى ەمەس، ونىڭ سالدارى دا ماڭىزدى ەكەنىن تۇسىنەمىز. “اميروۆكا” قىزمەتكەرى ەليسەي مەن ونىڭ نەگىزىن قالاۋشى امير اراسىنداعى ءوزارا ارەكەتكە بايلانىستى اقپاراتتار تارادى. ءبىز ەليسەيگە كۇش-جىگەر مەن ساۋىعۋ تىلەيمىز. وسى جاعدايدىڭ سالدارىن قايتا قاراۋ كەزەڭىندە امير باسقارۋعا، شەشىم قابىلداۋعا جانە “اميروۆكا” اتىنان كوپشىلىك الدىندا سويلەۋگە ءوز ەركىمەن شەتتەتىلەدى. بارلىق فۋنكتسيالار ءبىزدىڭ كومانداعا بەرىلەدى”، – دەلىنگەن كلۋب مالىمدەمەسىندە.

پىكىرلەر