شىمكەنت قالاسىندا "اي كوركەم" بالاباقشاسىندا تاربيەشىنىڭ كومەكشىسى ءۇش جاسقا تولماعان بالانى تەپكىلەپ، بەتىنەن سىزعىشپەن ۇرعان. بۇل تۋرالى Threads جەلىسىندە جابىرلەنۋشىنىڭ اناسى سالتانات ەسىركەپوۆا جازدى، دەپ حابارلايدى “ادىرنا”.
سالتاناتتىڭ ايتۋىنشا، كۇتۋشى بالاسىن ەكى ساعات بويى سىزعىشپەن بەتىنەن ۇرىپ، تەۋىپ، سۇيرەپ، قۇلاتىپ، ىشىنەن ۇرعان.
"تاڭعى ساعات 10:00-دە ۇلىمنىڭ جاعدايىن سۇرادىم. تاربيەشى جاعدايى جاقسى ەكەنىن ايتتى. الايدا ءدال سول ۋاقىتتا بالامدى ۇرىپ جاتقان ەكەن. ۇلىمنىڭ توقتاۋسىز جىلاعانى سونشا، داۋىسى قارلىعىپ، كۇشى قالماعان. بەينەباقىلاۋ كامەراسى ارقىلى قاراساق بالام ەدەندە جاتتى. ونىڭ ۇيىقتاپ قالعانى نەمەسە ەسىن جوعالتقانى بەلگىسىز. ساعات 16:30-دا ۇلىمدى الىپ كەتۋگە كەلسەم: "اناشىم، كۇتۋشى مەنى قاتتى ۇردى، مەن قاتتى جىلادىم" دەپ ايتتى", – دەيدى بالانىڭ اناسى.
ونىڭ ايتۋىنشا، تاربيەشى باستاپقىدا بالانىڭ جاي عانا قۇلاعانىن، سوندىقتان ونىڭ بەتى قىزارىپ كەتكەنىن ايتقان.
"كەلەسى كۇنى باسشىلىققا شاعىمدانىپ، بەينەباقىلاۋ كامەراسىنا تۇسىرىلگەن ۆيدەولاردى كورگەن سوڭ شىندىقتىڭ بەتى اشىلدى. كۇتۋشى بالامنىڭ بەتىنەن سىزعىشپەن ۇرعان. كۇتۋشى جاقپا مايىن جاعىپ، سوققى
جابىرلەنۋشىنىڭ اناسى دالەل رەتىندە ايەلدىڭ كۇتۋشىگە ەشتەڭە ايتپاۋعا كەڭەس بەرىپ، بالانىڭ جاي قۇلاپ قالعانىن جەتكىزۋدى ەسكەرتكەن ۆيدەونى ۇسىندى.
ول جەردە كۇتۋشى قىز باسشىسىنىڭ اتا-انانىڭ كوزىنشە سپەكتاكل قويامىز دەپ ايتقانىن جەتكىزدى.
“وسى جەردە جۇمىس ىستەپ جۇرگەندەي بولاسىڭ. سوسىن سەن اتا-انانىڭ كوزىنشە جىلايسىڭ. مەن سەنىڭ ۇستىڭنەن ارىز جازىپ جۇمىستان شىعارىپ جىبەرەمىن. سەن زاتتارىڭدى جيناپ كەتىپ قالاسىڭ، دەپ ايتتى”، – دەيدى كۇتۋشى قىز جىلاپ تۇرىپ.
"اي كوركەم" بالاباقشاسىنىڭ مەڭگەرۋشىسى نۇرگۇل ماماشاريپوۆا اتالعان جاعدايدى رەسمي تۇردە راستادى. ول 2025 جىلى 4 ماۋسىمدا بالاباقشادا كەلەڭسىز وقيعا ورىن العانىن حابارلادى.
"مۇعالىمنىڭ كومەكشىسى ازامات ا.، ىشكى بۇيرىققا سايكەس جۇمىستان بوساتىلدى. ەرەجە مەن تالاپتاردى بۇزاتىن مۇنداي قىزمەتكەرلەرگە ءبىزدىڭ ۇجىمدا ورىن جوق”، – دەدى ول.
سونداي-اق ماماشاريپوۆا بالالاردىڭ قاۋىپسىزدىگى مەن ءبىلىم ساپاسى مەكەمەنىڭ باستى مىندەتى ەكەنىن باسا ايتتى.
