شىمكەنتتە جۇرگىزۋشى كۋالىگىن زاڭسىز بەرۋمەن اينالىسقان ۇيىمداسقان قىلمىستىق توپ ۇستالدى. بۇل تۋرالى قارجىلىق مونيتورينگ اگەنتتىگى مالىمجەدى، دەپ حابارلايدى “ادىرنا” ۇلتتىق پورتالى.
تەرگەۋ بارىسىندا 2023–2024 جىلدار ارالىعىندا "ازاماتتارعا ارنالعان ۇكىمەت" مەملەكەتتىك كورپوراتسياسىنىڭ №2 مامانداندىرىلعان حالىققا قىزمەت كورسەتۋ ورتالىعىنىڭ باسشىلىعى ج.ر. مۋراشيموۆ پەن بىرقاتار لاۋازىمدى تۇلعا جۇرگىزۋشى كۋالىگىن الۋ ءراسىمىن تەوريالىق جانە پراكتيكالىق ەمتيحانداردان وتپەي زاڭسىز الۋ سحەماسىن ۇيىمداستىرعانى انىقتالدى.
"اتالعان "قىزمەت" ءۇشىن ازاماتتاردان 150 مىڭنان 400 مىڭ تەڭگەگە دەيىن اقشا الىنعان. ناتيجەسىندە 500-دەن استام ادام زاڭسىز جولمەن جۇرگىزۋشى كۋالىگىن العان. قازىرگى تاڭدا تەرگەۋ اياسىندا 200 ميلليون تەڭگەدەن استام سوماعا باعالانعان كۇدىكتىلەردىڭ مۇلكىنە - ەكى جەكە ءۇي، ەكى پاتەر، ەكى جەر تەلىمى جانە 10 اۆتوكولىككە تاركىلەۋ ماقساتىندا تىيىم سالىندى", – دەلىنگەن حابارلامادا.
