شىمكەنتتە جۇك پويىزى جاس جىگىتتى باسىپ كەتكەن، دەپ حابارلايدى "ادىرنا" ءتىلشىسى وtyrar.kz سايتىنا سىلتەپ.
وقىس وقيعا 8 ناۋرىز كۇنى بولعان. قالاداعى جيدەلىبايسىن كوشەسىندە جۇك پويىزى جاس جىگىتتى قاعىپ كەتكەن.
كۋاگەرلەردىڭ سوزىنشە، 18-20 جاس ارالىعىنداعى جىگىتتى جۇك تيەلگەن پويىز 20-30 مەترگە جەرگە سۇيرەپ كەتىپتى.
پوليتسيا دەپارتامەنتى اتالعان جاعداي بويىنشا سوتقا دەيىنگى تەرگەۋ ءجۇرىپ جاتقاندىعىن مالىمدەدى.
"شىمكەنت ستانساسىنداعى جەلىلىك پوليتسيا ءبولىمى ابايسىزدا ادام ولىمىنە اكەپ سوققان جول قوزعالىسى نەمەسە تەمىرجول كولىگىن پايدالانۋ قاۋىپسىزدىگى ەرەجەلەرىن بۇزۋ فاكتىسى بويىنشا سوتقا دەيىنگى تەرگەۋ امالدارىن جۇرگىزۋدە. قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنىڭ تالاپتارىنا سايكەس وزگە دە مالىمەتتەر تەرگەۋ مۇددەسى ءۇشىن جاريا ەتىلۋگە جاتپايدى", - دەلىنگەن حابارلامادا.
باق مالىمەتىنشە، جاس جىگىت قايتىس بولدى.
