БҰҰ Бас хатшысының экономикалық және әлеуметтік мәселелер жөніндегі бұрынғы орынбасары Ша Цзукан Қытай билігін АҚШ-тың әрекеті аясында агрессивті позиция ұстауға шақырды.
Дипломаттың айтуынша Бейжің алдымен ядролық қаруды қолданбау саясатынан бас тартып, Вашингтон құрып жатқан жаңа одақтарға тойтарыс беруі керек. "Атап айтқанда, біз Америка Құрама Штаттары, Аустралия мен Ұлыбритания арасындағы AUKUS альянсы туралы айтып отырмыз. Бұл Қытайдың маңында осы елдердің әскери қатысуын күшейтетінін көрсетіп отыр", - деді Цзукан. Ол сондай-ақ АҚШ-қа бірінші болып ядролық соққы жасау мүмкіндігін де қарастыру керектігін айтты.
Он күн бұрын Аустралия Ұлыбритания мен Америка Құрама Штаттары бірігіп AUKUS қорғаныс пен қауіпсіздік бойынша жаңа серіктестік туралы келісімге келді. Аталмыш одақ Қытайға қарсы бағытталған.
"Адырна" ұлттық порталы
