«ءسابي» قايىرىمدىلىق قورىنىڭ نەگىزىن قالاۋشىلارى كەڭەس راقىشەۆ پەن ونىڭ جۇبايى اسەل تاسماعامبەتوۆا «قازاقستان حالقىنا» قورىنا 1 ميلليارد تەڭگە اۋدارادى، دەپ حابارلايدى قايىرىمدىلىق قوردىڭ ءباسپاسوز قىزمەتى.
قور مالىمەتىنە سۇيەنسەك، 1 ملرد تەڭگە اۋدارۋداعى باستى ماقسات قيىن ساتتە ەل الدىنان تابىلىپ، كومەك قولىن سوزۋ. سوڭعى جاعدايلارعا بايلانىستى زارداپ شەككەن ادامدارعا، كاسىپكەرلەرگە كومەك رەتىندە قاراستىرىلعان.
«ءبىز قر پرەزيدەنتى قاسىم-جومارت كەمەلۇلى توقاەۆتىڭ وسى قيىن-قىستاۋ كۇندەردە قازاقستان حالقىن قولداۋ تۋرالى باستاماسىن قولدادىق. بۇل جاعدايدا كەۇ مەن بيزنەستىڭ الەۋمەتتىك جاۋاپكەرشىلىگى — بۇل قازاقستان حالقىنىڭ ءال-اۋقاتى، ءوز ەلىنىڭ بولاشاعى ءۇشىن تىكەلەي جاۋاپكەرشىلىك» دەپ مالىمدەدى كەڭەس راقىشەۆ.
”ادىرنا” ۇلتتىق پورتالى
