ءامىرجان قوسانوۆ: سايلاۋ كەزىندەگى تاڭداۋىما ەش وكىنبەيمىن، ويتكەنى ەل امان قالدى

2871
Adyrna.kz Telegram

بەلگىلى ساياساتكەر، وپپوزيتسيونەر ءامىرجان قوسانوۆ وسىدان 2 جىل بۇرىن پرەزيدەنتتىك سايلاۋعا ءتۇسىپ، حالىقتىڭ زور ىقىلاسىنا بولەنگەن ەدى. الايدا سايلاۋدان جەڭىلىس تاۋىپ، سايلاۋ قورىتىندىسىن بىردەن مويىنداپ، توقاەۆتى قۇتتىقتادى. حالىق بۇل ىسىنە اشۋلانىپ، ءتۇرلى قاۋەسەتتەر تارادى. قوسانوۆ “ادىرنا” تىلشىسىنە بۇل جايتتىڭ شىندىعىن باياندادى.

وزىڭىزدە كەزىندە پرەزيدەنت سايلاۋىنا ءتۇستىڭىز. جالپى، ەل باسشىسى حالىق باسىنا قايعى تۇسكەندە الدىڭعى قاتاردا ءجون سىلتەيتىن ادام. ەلباسىمىز قايعىلى قاڭتار قىرعىنى “اياقتالعاننان كەيىن” ەل الدىنا كۇتپەگەن جەردەن شىعۋىنا نە سەبەپ؟

ءامىرجان قوسانوۆ: ونىڭ ءبىراز ۋاقىتتان كەيءىن عانا ءوز ەلىنىڭ الدىنا شىعۋىن، مەن سول كۇندەرى باس بيلىك ىشىندە بولعان، ءبىز بىلە بەرمەيتءىن قۇپيا، جاسىرىن كەلىسسوزدەرمەن بايلانىستىرام. مەنىڭشە، قازىر دە سول كەلىسسوزدەر جالعاسۋدا.

مەنىڭ سايلاۋعا قاتىسقانىم تۋرالى ءبىر اۋىز عانا ءسوز قوسايىن، رۇقسات بولسا.

مەن سول كەزدە سايلاۋ قورىتىندىسىن مويىنداۋىمنىڭ ارتىندا «ىشكى جانە سىرتقى كۇشتەر ارالاسىپ كەتىپ، «ءار قازاعىم – جالعىزىم» قۇربان بولماسا», مەملەكەتتىكتەن ايىرىلىپ قالماساق» دەگەن ويىم عانا بولدى.

ءوز كارەرامدى ويلاعان جوقپىن، حالقىمىنڭ اماندىعىن ويلادىم. ءيا، ودان كەيىن مەنى ءبىراز ادام، سونىڭ ىشىندە راديكالدى وپپوزيتسيا وكىلدەرى سىنادى.

شەتەلدە ءجۇرىپ، ەلدى رەۆوليۋتسيالىق، توڭكەرىس جولىمەن وزگەرتكىسى كەلەتىندەردءىڭ ەل ىشىندە جۇرگەن سەرىكتەستەرى دە جوق ەمەس. ءبالكىم، ولار سول كۇنى ءبىر قىرعىن بولعانىن، سونىڭ ارقاسىندا بيلىككە كەلۋدى جوسپارلادى ما، كىم ءبىلسىن (ماعان سونداي اقپارات ءتۇسىپ جاتتى).

ول كەزدەگى تاڭداۋىما ەش وكىنبەيمىن، ويتكەنى ەل امان قالدى. ال قازىرگى جويقىن قىرعىننىڭ كەزىندە قانشاما بەيبىت ادام قىرىلدى دەسەڭىزشى! ولاردىڭ قانى بىرەۋلەردىڭ موينىنا جازىلماي ما؟

“ادىرنا” ۇلتتىق پورتالى

 

پىكىرلەر