Belgili saıasatker, oppozııoner Ámirjan Qosanov osydan 2 jyl buryn prezıdenttik saılaýǵa túsip, halyqtyń zor yqylasyna bólengen edi. Alaıda saılaýdan jeńilis taýyp, saılaý qorytyndysyn birden moıyndap, Toqaevty quttyqtady. Halyq bul isine ashýlanyp, túrli qaýesetter tarady. Qosanov “Adyrna” tilshisine bul jaıttyń shyndyǵyn baıandady.
Ózińizde kezinde prezıdent saılaýyna tústińiz. Jalpy, el basshysy halyq basyna qaıǵy túskende aldyńǵy qatarda jón silteıtin adam. Elbasymyz qaıǵyly qańtar qyrǵyny “aıaqtalǵannan keıin” el aldyna kútpegen jerden shyǵýyna ne sebep?
Ámirjan Qosanov: Onyń biraz ýaqyttan keıin ǵana óz eliniń aldyna shyǵýyn, men sol kúnderi bas bılik ishinde bolǵan, biz bile bermeıtin qupııa, jasyryn kelissózdermen baılanystyram. Menińshe, qazir de sol kelissózder jalǵasýda.
Meniń saılaýǵa qatysqanym týraly bir aýyz ǵana sóz qosaıyn, ruqsat bolsa.
Men sol kezde saılaý qorytyndysyn moıyndaýymnyń artynda «ishki jáne syrtqy kúshter aralasyp ketip, «ár qazaǵym – jalǵyzym» qurban bolmasa», memlekettikten aıyrylyp qalmasaq» degen oıym ǵana boldy.
Óz kareramdy oılaǵan joqpyn, halqymynń amandyǵyn oıladym. Iá, odan keıin meni biraz adam, sonyń ishinde radıkaldy oppozıııa ókilderi synady.
Shetelde júrip, eldi revolıýııalyq, tóńkeris jolymen ózgertkisi keletinderdiń el ishinde júrgen seriktesteri de joq emes. Bálkim, olar sol kúni bir qyrǵyn bolǵanyn, sonyń arqasynda bılikke kelýdi josparlady ma, kim bilsin (maǵan sondaı aqparat túsip jatty).
Ol kezdegi tańdaýyma esh ókinbeımin, óıtkeni el aman qaldy. Al qazirgi joıqyn qyrǵynnyń kezinde qanshama beıbit adam qyryldy deseńizshi! Olardyń qany bireýlerdiń moınyna jazylmaı ma?
“Adyrna” ulttyq portaly
