بۇگىن ورتالىق كوممۋنيكاتسيالار قىزمەتىندە "قر باس پروكۋراتۋراسى مەن قر ءىىم قىلمىستىق-اتقارۋ جۇيەسى كوميتەتىنىڭ رەسمي مالىمدەمەسى" تاقىرىبىنا وتكەن بريفينگتە باس پروكۋراتۋرانىڭ ءبىرىنشى قىزمەت باستىعىنىڭ ورىنباسارى ەلدوس قيلىمجانوۆ جەدەل تەرگەلۋ توپتارى 819 قىلمىستىق ءىستى تەرگەپ جاتقانىن، ونىڭ 45-ءى "تەرروريزم اكتىسى", 36-ءى "جاپپاي تارتىپسىزدىك", 15-ءى "ادام ءولتىرۋ" دەرەكتەرىمەن، سونىمەن بىرقاتار تۇلعالار توناۋ، كۇش قولدانۋ، ت.ب ارەكەتتەرمەن ۇستالعانىن ايتتى، دەپ حابارلايدى "ادىرنا" ۇلتتىق پورتالى.
"وسى ىستەر بويىنشا 970 كۇدىكتى ۇستالدى. ونىڭ ىشىندە 782 ادام سانكتسيا بويىنشا قاماۋعا الىندى. 29 ادامعا ۇيقاماق تاعايىندالدى", - دەدى ول.
ونىڭ سوزىنشە، ادامداردىڭ كوبى تەرروريزم جانە جاپپاي تارتىپسىزدىك ىستەرى بويىنشا تۇتقىندالعان.
"ولاردىڭ سانى — 464 ادام. ۇرلىق دەرەكتەرى بويىنشا 220, قارۋدى زاڭسىز الىپ جۇرگەنى جانە ساقتاعانى ءۇشىن 60 ادام ۇستالدى. قارۋ ۇرلاعانى ءۇشىن 39 ادام، 25 ادام بۇزاقىلىق، 21 توناۋ ءىسى بويىنشا قاماۋعا الىندى. باسقا تەرگەۋ جانە قىلمىستىق ىستەر بويىنشا دا ۇستالعاندار مەن تۇتقىندار بار", - دەدى ەلدوس قيلىمجانوۆ.
سونداي-اق ول 96 ادام ۋاقىتشا ۇستاۋ يزولياتورىنان شىعارىلعانىن اتاپ ءوتتى.
"ادىرنا" ۇلتتىق پورتالى.
