Bügın Ortalyq kommunikasiialar qyzmetınde "QR Bas prokuraturasy men QR IIM Qylmystyq-atqaru jüiesı komitetınıŋ resmi mälımdemesı" taqyrybyna ötken brifingte Bas prokuraturanyŋ bırınşı qyzmet bastyǧynyŋ orynbasary Eldos Qilymjanov jedel tergelu toptary 819 qylmystyq ıstı tergep jatqanyn, onyŋ 45-ı "terrorizm aktısı", 36-ı "jappai tärtıpsızdık", 15-ı "adam öltıru" derekterımen, sonymen bırqatar tūlǧalar tonau, küş qoldanu, t.b ärekettermen ūstalǧanyn aitty, dep habarlaidy "Adyrna" ūlttyq portaly.
"Osy ıster boiynşa 970 küdıktı ūstaldy. Onyŋ ışınde 782 adam sanksiia boiynşa qamauǧa alyndy. 29 adamǧa üiqamaq taǧaiyndaldy", - dedı ol.Onyŋ sözınşe, adamdardyŋ köbı terrorizm jäne jappai tärtıpsızdık ısterı boiynşa tūtqyndalǧan.
"Olardyŋ sany — 464 adam. Ūrlyq derekterı boiynşa 220, qarudy zaŋsyz alyp jürgenı jäne saqtaǧany üşın 60 adam ūstaldy. Qaru ūrlaǧany üşın 39 adam, 25 adam būzaqylyq, 21 tonau ısı boiynşa qamauǧa alyndy. Basqa tergeu jäne qylmystyq ıster boiynşa da ūstalǧandar men tūtqyndar bar", - dedı Eldos Qilymjanov.Sondai-aq ol 96 adam uaqytşa ūstau izoliatorynan şyǧarylǧanyn atap öttı.
"Adyrna" ūlttyq portaly.
