ۋكراينالىق جۋرناليست دميتري گوردون "ۋكراينا 24" ارناسىنا بەرگەن سۇحباتىندا قازاقستانداعى جاعدايعا بايلانىستى پىكىر ءبىلدىردى، دەپ حابارلايدى "ادىرنا" ءتىلشىسى.
ول ءپۋتيننىڭ تۇركى ەلىنەن قورقاتىنىن باسا ايتتى.
"ەشكىمنىڭ كوكەيىندە رەسەي اسكەرلەرى قازاقستانعا نەگە سونشا تەز كىردى دەگەن سۇراق تۋىندامايدى ما؟ اقش-تىڭ مەملەكەتتىك حاتشىسى بلينكين ورىستاردىڭ ەلگە تەز كىرىپ، باياۋ كەتەتىنى تۋرالى ايتتى. ال ءبىزدىڭ اسكەرلەر نەگە تەز كەتىپ قالدى؟ وتە تەز. جاۋاپ قاراپايىم: قازاقستان - ەڭ باي مەملەكەت. تابيعي قازباعا باي، تابيعي رەسۋرستار وتە كوپ. ال قىتايمەن شەكارالاس بولعاندىقتان، قىتايدىڭ قازاقستانعا، اسىرەسە بيزنەستىك قىزىعۋشىلىعى وتە جوعارى. ونىڭ ۇستىنە اقش، ۇلىبريتانيا، اسىرەسە تۇركيانىڭ پوزيتسيالارى مۇندا وتە كۇشتى. ويتكەنى ولار تۇرىكتەر، تۇركى حالىقتارى. دەمەك، بۇگىندە قۇدايعا شۇكىر، باتىس ەلدەرىنىڭ ەرىك-جىگەرى السىرەگەن باسشىلارىمەن قاتار، پۋتينگە ءوز تىلدەرىندە «ول جەردەن تابانىڭدى جالتىرات» دەگەن قىتايلىق سي ءتسزينپيننىڭ جانە تۇركيالىق ەردوعاننىڭ پوزيتسياسى قازاقستاندا جوعارى. ال ول كىشكەنتاي بالا سياقتى ورنىنان تۇردى دا كەتتى. ويتكەنى پۋتين ءوزى السىزدەرگە قولداناتىن كۇشتىڭ ءتىلىن جاقسى تۇسىنەدى" دەدى گوردون سۇحباتىندا.
