Ukrainalyq jurnalist Dmitrii Gordon "Ukraina 24" arnasyna bergen sūhbatynda Qazaqstandaǧy jaǧdaiǧa bailanysty pıkır bıldırdı, dep habarlaidy "Adyrna" tılşısı.
Ol Putinnıŋ Türkı elınen qorqatynyn basa aitty.
"Eşkımnıŋ kökeiınde Resei äskerlerı Qazaqstanǧa nege sonşa tez kırdı degen sūraq tuyndamaidy ma? AQŞ-tyŋ memlekettık hatşysy Blinkin orystardyŋ elge tez kırıp, baiau ketetını turaly aitty. Al bızdıŋ äskerler nege tez ketıp qaldy? Öte tez. Jauap qarapaiym: Qazaqstan - eŋ bai memleket. Tabiǧi qazbaǧa bai, tabiǧi resurstar öte köp. Al Qytaimen şekaralas bolǧandyqtan, Qytaidyŋ Qazaqstanǧa, äsırese biznestık qyzyǧuşylyǧy öte joǧary. Onyŋ üstıne AQŞ, Ūlybritaniia, äsırese Türkiianyŋ pozisiialary mūnda öte küştı. Öitkenı olar türıkter, türkı halyqtary. Demek, bügınde qūdaiǧa şükır, Batys elderınıŋ erık-jıgerı älsıregen basşylarymen qatar, Putinge öz tılderınde «ol jerden tabanyŋdy jaltyrat» degen Qytailyq Si Szinpinnıŋ jäne Türkiialyq Erdoǧannyŋ pozisiiasy Qazaqstanda joǧary. Al ol kışkentai bala siiaqty ornynan tūrdy da kettı. Öitkenı Putin özı älsızderge qoldanatyn küştıŋ tılın jaqsy tüsınedı" dedı Gordon sūhbatynda.https://youtu.be/m00hfCgv0aE
