بيىل ەلىمىزدە دارىندى بالالاردى قولداۋ بويىنشا جۇمىس جالعاسادى، دەپ حابارلايدى «ادىرنا» ءتىلشىسى.
قازىرگى تاڭدا مينيسترلىك زاڭناماعا تۇزەتۋلەر ەنگىزىپ جاتىر. وندا ينتەللەكتۋالدىق بايقاۋلاردىڭ جۇلدەگەرلەرىنە جوعارى وقۋ ورىندارىنا ۇبت-سىز، كونكۋرستان تىس نەگىزدە ءبىلىم الۋ ءۇشىن گرانتتار بەرۋ قاراستىرىلعان.
سونداي-اق ۆەدومستۆو حالىقارالىق وليمپيادالاردىڭ جەڭىمپازدارى مەن جۇلدەگەرلەرى جانە ولاردى دايارلاعان پەداگوگ-جاتتىقتىرۋشىلارعا دا بىرجولعى اقشالاي سىياقى تولەۋگە باستاماشىلىق ەتتى.
«التىن مەدال يەگەرلەرىنە — 1500 اەك (4 594 500 تەڭگە), كۇمىس مەدال – 1000 اەك ( 3 063 000 تەڭگە), قولا مەدال – 500 اەك ( 1 531 500 تەڭگە) كولەمىندە اقشالاي سىياقى تاعايىنداۋ جوسپارلانىپ وتىر»،– دەپ مالىمدەدى بعم ءباسپاسوز قىزمەتى.
«ادىرنا» ۇلتتىق پورتالى