باقىتجان ساعىنتاەۆ ارمانجان بايتاسقا بەرگەن سۇحباتىندا الماتى قالاسىندا بولعان تارتىپسىزدىكتەر كەزىندە ءوز ءيمميدجىن نەمەسە قىزمەتىن ەمەس، قالا تۇرعىندارىنىڭ قاۋىپسىزدىگىن ويلاعانىن ايتتى، دەپ حابارلايدى "ادىرنا" ۇلتتىق پورتالى.
“وقيعا ورشىگەن كەزدە مەن جاعدايدىڭ قانشالىقتى كۇردەلى ەكەنىن ءتۇسىندىم. ەل الدىنا شىعىپ ساعات سايىن ەسەپ بەرىپ ۋاقىت كەتىرۋ، بولماسا شيەلەنىستى شەشۋگە كۇش جۇمساۋ تاڭداۋى تۇردى. قالا قاۋىپسىزدىگىن قامتاماسىز ەتەتىن كۇشتەر بىزدە بولمادى. سوندىقتان قورعانىس، ىشكى ىستەر مينيسترلىگىمەن كەلىسسوزدەر جۇرگىزۋگە تۋرا كەلدى. مەنىڭ تاراپىما كەيىن كوپتەگەن سىنداردىڭ بولاتىنىن ءبىلدىم. بىراق ماعان ءوزىمنىڭ يمميدجىمە قاراعاندا قالا تۇرعىندارنىڭ قاۋىپسىزدىگى ماڭىزدىراق بولدى”، – دەدى ول.
باقىتجان ساعىنتاەۆ سونىمەن قاتار تۇرعىندارىنىڭ پەتيتسياسىنا قاتىستى دا پىكىر ءبىلدىردى.
“مەن ءبارى اياقتالعان كەزدە سىننىڭ دا، ءوتىنىشتىڭ دە بولاتىنىن ءبىلدىم. الايدا قىزمەتىمدى جاۋاپكەرشىلىكپەن جاساپ، جۇمىسىمدى جالعاستىرۋىم كەرەك. قالانى قالپىنا كەلتىرىپ، شىعىن ماسەلەلەرىن شەشۋىم كەرەك. مەن ءوز جاۋاپكەرشىلىگىمدى بىلەمىن. قالاي بولعاندا دا سىنداردىڭ ءبارىن قابىلدايمىن”، – دەدى ەكس-اكىم.
ايتا كەتۋ كەرەك، بۇگىن ونىڭ ورنىنا ە.دوساەۆ الماتى قالاسىنىڭ اكىمى بولىپ تاعايىندالدى. ال ب.ساعىنتاەۆتىڭ قانداي قىزمەتكە تۇراتىنى ازىرگە بەلگىسىز.
"ادىرنا" ۇلتتىق پورتالى
