Baqytjan Saǧyntaev Armanjan Baitasqa bergen sūhbatynda Almaty qalasynda bolǧan tärtıpsızdıkter kezınde öz immidjın nemese qyzmetın emes, qala tūrǧyndarynyŋ qauıpsızdıgın oilaǧanyn aitty, dep habarlaidy "Adyrna" ūlttyq portaly.
“Oqiǧa örşıgen kezde men jaǧdaidyŋ qanşalyqty kürdelı ekenın tüsındım. El aldyna şyǧyp saǧat saiyn esep berıp uaqyt ketıru, bolmasa şielenıstı şeşuge küş jūmsau taŋdauy tūrdy. Qala qauıpsızdıgın qamtamasyz etetın küşter bızde bolmady. Sondyqtan Qorǧanys, Işkı ıster ministrlıgımen kelıssözder jürgızuge tura keldı. Menıŋ tarapyma keiın köptegen syndardyŋ bolatynyn bıldım. Bıraq maǧan özımnıŋ immidjıme qaraǧanda qala tūrǧyndarnyŋ qauıpsızdıgı maŋyzdyraq boldy”, – dedı ol.Baqytjan Saǧyntaev sonymen qatar tūrǧyndarynyŋ petisiiasyna qatysty da pıkır bıldırdı.
“Men bärı aiaqtalǧan kezde synnyŋ da, ötınıştıŋ de bolatynyn bıldım. Alaida qyzmetımdı jauapkerşılıkpen jasap, jūmysymdy jalǧastyruym kerek. Qalany qalpyna keltırıp, şyǧyn mäselelerın şeşuım kerek. Men öz jauapkerşılıgımdı bılemın. Qalai bolǧanda da syndardyŋ bärın qabyldaimyn”, – dedı eks-äkım.Aita ketu kerek, bügın onyŋ ornyna E.Dosaev Almaty qalasynyŋ äkımı bolyp taǧaiyndaldy. Al B.Saǧyntaevtyŋ qandai qyzmetke tūratyny äzırge belgısız.
"Adyrna" ūlttyq portaly
