الەۋمەتتىك جەلى قولدانۋشىلارى بەيجىڭدە وتەتىن قىسقى وليمپيادا ويىندارىنا قاتىساتىن قىرعىزستان مەن قازاقستان قۇرامالارىنىڭ مۇشەلەرى ءۇشىن تىگىلگەن كيىم ۇلگىسىن سالىستىردى، دەپ حابارلايدى "ادىرنا" ۇلتتىق پورتالى "24.kg" اگەنتتىگىنە سىلتەمە جاساپ.
الەۋمەتتىك جەلىدە ەكى ەل قۇراماسىنىڭ بەيجىڭگە اتتاناتىن كيىم ۇلگىسىنىڭ سۋرەتى پايدا بولدى. قىرعىزستاندىقتاردى قازاقستاندىقتاردىڭ ءستيلى عانا ەمەس، تۇستەرى دە تاڭ قالدىردى.
كوپشىلىك سۋرەتكە "ايىرماشىلىقتى سەزىنىڭىز" دەپ جازدى.
ۇلتتىق وليمپيادا كوميتەتى وتاندىق سپورتشىلاردىڭ فورماسىن قىرعىز رەسپۋبليكاسىنىڭ ۇوك سەرىكتەسى - قىتايلىق Tectop كومپانياسى تەگىن بەرگەنىن حابارلادى. ۇوك پەن Tectop 2018 جىلدان بەرى ىنتىماقتاسادى جانە 2021 جىلعى جازعى جارىسقا دايىندىق رەتىندە بەيجىڭ قىسقى وليمپياداسىنىڭ كيىمىنە تاپسىرىس بەرىلدى.
بۇعان دەيىن توكيوداعى جازعى وليمپيادا ويىندارىندا سپورتشىلاردىڭ پارادتىق فورماسى تالقىعا تۇسكەن ەدى. سپورتتىق قۇرال-جابدىقتاردان گورى ءدىني قىزمەتكەرلەردىڭ ءداستۇرلى كيىمىنە ۇقسايتىن، ءبىر جيىنتىق باعاسى 95 000 سوم بولاتىن فورما قىرعىز حالقىنا ۇناماعان.
ەسكە سالا كەتەيىك، بەيجىڭدەگى قىسقى وليمپيادا ويىندارى 4-20 اقپان ارالىعىندا وتەدى. قىرعىزستاننىڭ نامىسىن شاڭعىشى ماكسيم گوردەەۆ قورعايدى. ول 16 اقپاندا ونەر كورسەتەدى.
"ادىرنا" ۇلتتىق پورتالى
