Äleumettık jelı qoldanuşylary Beijıŋde ötetın qysqy Olimpiada oiyndaryna qatysatyn Qyrǧyzstan men Qazaqstan qūramalarynyŋ müşelerı üşın tıgılgen kiım ülgısın salystyrdy, dep habarlaidy "Adyrna" ūlttyq portaly "24.kg" agenttıgıne sılteme jasap.
Äleumettık jelıde ekı el qūramasynyŋ Beijıŋge attanatyn kiım ülgısınıŋ suretı paida boldy. Qyrǧyzstandyqtardy qazaqstandyqtardyŋ stilı ǧana emes, tüsterı de taŋ qaldyrdy.Köpşılık suretke "Aiyrmaşylyqty sezınıŋız" dep jazdy.
Ūlttyq Olimpiada komitetı otandyq sportşylardyŋ formasyn Qyrǧyz Respublikasynyŋ ŪOK serıktesı - qytailyq Tectop kompaniiasy tegın bergenın habarlady. ŪOK pen Tectop 2018 jyldan berı yntymaqtasady jäne 2021 jylǧy jazǧy jarysqa daiyndyq retınde Beijıŋ qysqy Olimpiadasynyŋ kiımıne tapsyrys berıldı.Būǧan deiın Tokiodaǧy jazǧy Olimpiada oiyndarynda sportşylardyŋ paradtyq formasy talqyǧa tüsken edı. Sporttyq qūral-jabdyqtardan görı dıni qyzmetkerlerdıŋ dästürlı kiımıne ūqsaityn, bır jiyntyq baǧasy 95 000 som bolatyn forma qyrǧyz halqyna ūnamaǧan. Eske sala keteiık, Beijıŋdegı Qysqy Olimpiada oiyndary 4-20 aqpan aralyǧynda ötedı. Qyrǧyzstannyŋ namysyn şaŋǧyşy Maksim Gordeev qorǧaidy. Ol 16 aqpanda öner körsetedı.
"Adyrna" ūlttyq portaly
