ىشكى ىستەر مينيسترلىگىنىڭ ۇيلەستىرۋىمەن تۇركىستان وبلىسى پوليتسيا دەپارتامەنتى سوزاق اۋدانىندا “قازاتومپروم” كاسىپورىندارىنان اسا ءىرى كولەمدەگى جانار-جاعار ماي ماتەريالدارى مەن باسقا دا تاۋار-ماتەريالدىق باعالى زاتتاردى ۇرلاۋمەن اينالىسقان قىلمىستىق توپ قىزمەتىنىڭ جولىن كەستى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
توپ قۇرامىنا 10-نان استام ادام كىرگەن، ونىڭ ىشىندە سوتتالعاندار مەن دەسترۋكتيۆتىك ءدىني اعىمداردى ۇستانۋشىلار بولعان. جەدەل اقپارات بويىنشا ولار اي سايىن ون ميلليون تەڭگەگە مۇلىك ۇرلاعان.
ۇرلانعان زاتتاردىڭ رادياتسيالىق قاۋىپتىلىگى مەن تاسىمالداۋ جانە ساقتاۋ جاعدايلارىن ساقتاماۋ ولاردى ساتۋ كەزىندە قىلمىسكەرلەردى توقتاتپاعان. سونداي-اق، ولار بوپسالاۋ، كاسىپكەرلەرگە “قامقورلىق جاساۋمەن” جانە رەكەتپەن اينالىسقان. كريمينالدىق ورتادا وزدەرىنىڭ ۇستانىمدارىن نىعايتۋ ءۇشىن قارۋ قولدانا وتىرىپ، ەسەپ ايىرىسۋلار جاساعان. تىنتۋلەر بارىسىندا قىلمىسكەرلەردەن ەسىرتكىلەر، اتىس قارۋى، كۇماندى ءدىني ادەبيەت، قىلمىستىق جولمەن الىنعان اقشالاي قاراجات، “قارا بۋحگالتەريا” بلوكنوتتارى جانە “قازاتومپروم” كاسىپورىندارىنان ۇرلانعان ماتەريالدىق باعالى زاتتار تابىلدى.
اتالعان فاكتىلەر بويىنشا قازاقستان رەسپۋبليكاسى قك-ءنىڭ 197 (مۇناي جانە مۇناي ونىمدەرىن تاسىمالداۋ جانە ساتىپ الۋ), 287 (قارۋ مەن وق-دارىلەردى زاڭسىز ساتىپ الۋ، بەرۋ، ساتۋ جانە ساقتاۋ) جانە 296 (ەسىرتكى قۇرالدارىمەن زاڭسىز ءىس-ارەكەت) باپتارى بويىنشا سوتقا دەيىنگى تەرگەپ-تەكسەرۋ باستالدى. قالعان فاكتىلەر بويىنشا دالەلدەر جيناۋ جۇرگىزىلۋدە.
«ادىرنا» ۇلتتىق پورتالى
