Ishki ister mınıstrliginiń úılestirýimen Túrkistan oblysy Polıııa departamenti Sozaq aýdanynda “Qazatomprom” kásiporyndarynan asa iri kólemdegi janar-jaǵar maı materıaldary men basqa da taýar-materıaldyq baǵaly zattardy urlaýmen aınalysqan qylmystyq top qyzmetiniń jolyn kesti, dep habarlaıdy «Adyrna» tilshisi Polisia.kz-ke silteme jasap.
Top quramyna 10-nan astam adam kirgen, onyń ishinde sottalǵandar men destrýktıvtik dinı aǵymdardy ustanýshylar bolǵan. Jedel aqparat boıynsha olar aı saıyn on mıllıon teńgege múlik urlaǵan.
Urlanǵan zattardyń radıaııalyq qaýiptiligi men tasymaldaý jáne saqtaý jaǵdaılaryn saqtamaý olardy satý kezinde qylmyskerlerdi toqtatpaǵan. Sondaı-aq, olar bopsalaý, kásipkerlerge “qamqorlyq jasaýmen” jáne reketpen aınalysqan. Krımınaldyq ortada ózderiniń ustanymdaryn nyǵaıtý úshin qarý qoldana otyryp, esep aıyrysýlar jasaǵan. Tintýler barysynda qylmyskerlerden esirtkiler, atys qarýy, kúmándi dinı ádebıet, qylmystyq jolmen alynǵan aqshalaı qarajat, “qara býhgalterııa” bloknottary jáne “Qazatomprom” kásiporyndarynan urlanǵan materıaldyq baǵaly zattar tabyldy.
Atalǵan faktiler boıynsha Qazaqstan Respýblıkasy QK-niń 197 (Munaı jáne munaı ónimderin tasymaldaý jáne satyp alý), 287 (Qarý men oq-dárilerdi zańsyz satyp alý, berý, satý jáne saqtaý) jáne 296 (Esirtki quraldarymen zańsyz is-áreket) baptary boıynsha sotqa deıingi tergep-tekserý bastaldy. Qalǵan faktiler boıynsha dálelder jınaý júrgizilýde.
«Adyrna» ulttyq portaly
