Işkı ıster ministrlıgınıŋ üilestıruımen Türkıstan oblysy Polisiia departamentı Sozaq audanynda “Qazatomprom” käsıporyndarynan asa ırı kölemdegı janar-jaǧar mai materialdary men basqa da tauar-materialdyq baǧaly zattardy ūrlaumen ainalysqan qylmystyq top qyzmetınıŋ jolyn kestı, dep habarlaidy «Adyrna» tılşısı Polisia.kz-ke sılteme jasap.
Top qūramyna 10-nan astam adam kırgen, onyŋ ışınde sottalǧandar men destruktivtık dıni aǧymdardy ūstanuşylar bolǧan. Jedel aqparat boiynşa olar ai saiyn on million teŋgege mülık ūrlaǧan.Ūrlanǧan zattardyŋ radiasiialyq qauıptılıgı men tasymaldau jäne saqtau jaǧdailaryn saqtamau olardy satu kezınde qylmyskerlerdı toqtatpaǧan. Sondai-aq, olar bopsalau, käsıpkerlerge “qamqorlyq jasaumen” jäne reketpen ainalysqan. Kriminaldyq ortada özderınıŋ ūstanymdaryn nyǧaitu üşın qaru qoldana otyryp, esep aiyrysular jasaǧan. Tıntuler barysynda qylmyskerlerden esırtkıler, atys qaruy, kümändı dıni ädebiet, qylmystyq jolmen alynǧan aqşalai qarajat, “qara buhgalteriia” bloknottary jäne “Qazatomprom” käsıporyndarynan ūrlanǧan materialdyq baǧaly zattar tabyldy. Atalǧan faktıler boiynşa Qazaqstan Respublikasy QK-nıŋ 197 (Mūnai jäne mūnai önımderın tasymaldau jäne satyp alu), 287 (Qaru men oq-därılerdı zaŋsyz satyp alu, beru, satu jäne saqtau) jäne 296 (Esırtkı qūraldarymen zaŋsyz ıs-äreket) baptary boiynşa sotqa deiıngı tergep-tekseru bastaldy. Qalǧan faktıler boiynşa dälelder jinau jürgızılude. https://youtu.be/XHf5AAhKGCs
«Adyrna» ūlttyq portaly
