بۇل تۋرالى امانات قوعامدىق كوميسسياسىنىڭ توراعاسى، ادۆوكات ابزال قۇسپان الماتىدا وتكەن ءباسپاسوز ماجىلىسىندە ايتتى، دەپ حابارلايدى «ادىرنا» ءتىلشىسى baq.kz-كە سىلتەمە جاساپ.
ادۆوكات ۇستالعاندار قر قك 272 بابىمەن قارالاتىنىن ايتىپ، بۇل باپتى ءتۇسىندىرىپ ءوتتى.
272 باپ ءۇش بولىمنەن تۇرادى. ءبىرىنشى ءبولىمى ول ۇيىمداستىرۋشىلارعا قاتىستى كوزدەلگەن، ەكىنشىسى قاتىسۋشىلارعا قاتىستى جازا كوزدەلگەن، ال ءۇشىنشىسى ارانداتۋشىلارعا قاتىستى. ءبىز نەگىزىنەن 272 باپتىڭ 2 بولىمىمەن ۇستالعان ازاماتتارعا باسىمدىق بەرىپ وتىرمىز ءارى ۇستالعانداردىڭ باسىم كوپشىلىگىن سولار قۇايدى. ياعني بەلگىسىز ادامداردىڭ سوزىنە ەرىپ، ارانداپ قالعاندار، - دەدى ول.
سونىمەن قاتار ول وسى ساتكە دەيىن قاماۋدا وتىرعان 36 ادامنىڭ شىعۋىنا ىقپال ەتكەندەرىن ايتتى. بۇل ادامداردىڭ باسىم كوپشىلىگى وق ءتيىپ جانە وزگەدە ءتۇرلى جاراقات العان ادامدار ەكەن.
ءبىز تاعى 60 ادامنىڭ قاماۋدان شىعۋىنا ۇسىنىس جاسادىق. نەگىزىنەن جارالى ادامداردىڭ ءتىزىمىن الىپ، ولاردىڭ ىسىمەن تانىسىپ، جەكە جۇزدەسكەن سوڭ پروكۋراتۋراعا ۇسىنىس بەرەمىز. ياعني ءۇي جاعدايىندا ەمدەلۋگە جاعداي جاساۋ كەرەكتىگىن العا تارتىپ وتىرمىز. بۇل جەردە ول ادامداردىڭ جازىقتى، جازىقسىزدىعىنا قاراماستان گۋماندىق تانىتۋىمىز كەرەك. جازىلىپ بولعان سوڭ وزدەرىنە ءتيىستى جازاسىن الا جاتار، - دەدى ابزال قۇسپان.
ونىڭ ايتۋىنشا، امانات كوميسسياسىنىڭ قۇرامىندا قازىر 10 شاقتى ادۆوكات بار. كوميسسيا ەرتەڭ تالدىقورعان قالاسىنا، كەيىن وڭتۇستىك وڭىرلەردى ارالاپ، سونداعى قاماۋدا وتىرعان ادامداردىڭ جاعدايىمەن اينالىسپاق.
«ادىرنا» ۇلتتىق پورتالى
