Būl turaly Amanat qoǧamdyq komissiiasynyŋ töraǧasy, advokat Abzal Qūspan Almatyda ötken baspasöz mäjılısınde aitty, dep habarlaidy «Adyrna» tılşısı baq.kz-ke sılteme jasap.
Advokat ūstalǧandar QR QK 272 babymen qaralatynyn aityp, būl bapty tüsındırıp öttı.
272 bap üş bölımnen tūrady. Bırınşı bölımı ol ūiymdastyruşylarǧa qatysty közdelgen, ekınşısı qatysuşylarǧa qatysty jaza közdelgen, al üşınşısı arandatuşylarǧa qatysty. Bız negızınen 272 baptyŋ 2 bölımımen ūstalǧan azamattarǧa basymdyq berıp otyrmyz ärı ūstalǧandardyŋ basym köpşılıgın solar qūaidy. Iаǧni belgısız adamdardyŋ sözıne erıp, arandap qalǧandar, - dedı ol.Sonymen qatar ol osy sätke deiın qamauda otyrǧan 36 adamnyŋ şyǧuyna yqpal etkenderın aitty. Būl adamdardyŋ basym köpşılıgı oq tiıp jäne özgede türlı jaraqat alǧan adamdar eken.
Bız taǧy 60 adamnyŋ qamaudan şyǧuyna ūsynys jasadyq. Negızınen jaraly adamdardyŋ tızımın alyp, olardyŋ ısımen tanysyp, jeke jüzdesken soŋ prokuraturaǧa ūsynys beremız. Iаǧni üi jaǧdaiynda emdeluge jaǧdai jasau kerektıgın alǧa tartyp otyrmyz. Būl jerde ol adamdardyŋ jazyqty, jazyqsyzdyǧyna qaramastan gumandyq tanytuymyz kerek. Jazylyp bolǧan soŋ özderıne tiıstı jazasyn ala jatar, - dedı Abzal Qūspan.Onyŋ aituynşa, Amanat komissiiasynyŋ qūramynda qazır 10 şaqty advokat bar. Komissiia erteŋ Taldyqorǧan qalasyna, keiın oŋtüstık öŋırlerdı aralap, sondaǧy qamauda otyrǧan adamdardyŋ jaǧdaiymen ainalyspaq.
«Adyrna» ūlttyq portaly
