Bul týraly Amanat qoǵamdyq komıssııasynyń tóraǵasy, advokat Abzal Quspan Almatyda ótken baspasóz májilisinde aıtty, dep habarlaıdy «Adyrna» tilshisi baq.kz-ke silteme jasap.
Advokat ustalǵandar QR QK 272 babymen qaralatynyn aıtyp, bul bapty túsindirip ótti.
272 bap úsh bólimnen turady. Birinshi bólimi ol uıymdastyrýshylarǵa qatysty kózdelgen, ekinshisi qatysýshylarǵa qatysty jaza kózdelgen, al úshinshisi arandatýshylarǵa qatysty. Biz negizinen 272 baptyń 2 bólimimen ustalǵan azamattarǵa basymdyq berip otyrmyz ári ustalǵandardyń basym kópshiligin solar quaıdy. Iaǵnı belgisiz adamdardyń sózine erip, arandap qalǵandar, - dedi ol.
Sonymen qatar ol osy sátke deıin qamaýda otyrǵan 36 adamnyń shyǵýyna yqpal etkenderin aıtty. Bul adamdardyń basym kópshiligi oq tıip jáne ózgede túrli jaraqat alǵan adamdar eken.
Biz taǵy 60 adamnyń qamaýdan shyǵýyna usynys jasadyq. Negizinen jaraly adamdardyń tizimin alyp, olardyń isimen tanysyp, jeke júzdesken soń prokýratýraǵa usynys beremiz. Iaǵnı úı jaǵdaıynda emdelýge jaǵdaı jasaý kerektigin alǵa tartyp otyrmyz. Bul jerde ol adamdardyń jazyqty, jazyqsyzdyǵyna qaramastan gýmandyq tanytýymyz kerek. Jazylyp bolǵan soń ózderine tıisti jazasyn ala jatar, - dedi Abzal Quspan.
Onyń aıtýynsha, Amanat komıssııasynyń quramynda qazir 10 shaqty advokat bar. Komıssııa erteń Taldyqorǵan qalasyna, keıin ońtústik óńirlerdi aralap, sondaǵy qamaýda otyrǵan adamdardyń jaǵdaıymen aınalyspaq.
«Adyrna» ulttyq portaly
