پرەزيدەنتىمىزدىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ نەگىزىندە، شىمكەنت قالاسىنىڭ اكىمى مۇرات ايتەنوۆ اكىمدىك عيماراتىندا ەڭبەكشى اۋدانىنىڭ بەلسەندى تۇرعىندارىمەن كەزدەستى.
قاڭتار ايىندا قالا باسشىسى ەڭبەكشى اۋدانىنىڭ شالعاي جاتقان 16 ەلدى مەكەن تۇرعىندارىمەن جۇزدەسىپ، ولاردىڭ وتىنىشتەرىن تىڭداعان بولاتىن. كەزدەسۋلەر بارىسىندا اۋىل بيلەرى مەن تۇرعىندار تاراپىنان 47 وتىنىشتەر مەن ماسەلەلەر كوتەرىلدى. ولاردىڭ 27-نە كەزدەسۋ بارىسىندا ناقتى جاۋاپتار بەرىلگەن بولسا، قالعان 20 ماسەلەلەردى شەشۋ ءۇشىن ءتيىستى ءىس-شارالار بەكىتىلگەن بولاتىن.
بۇگىنگى كۇنگە جوعارىدا اتالعان 20 ماسەلەنىڭ 7-ءى شەشىمىن تاپتى. جيىندا وسى بويىنشا اۋدان اكىمى دوسبول ەسىلبەك باياندادى.
«قاراتوبە اۋماعىنداعى جول بويىنشا «الەم ترانسجول» جشس مەردىگەر مەكەمە انىقتالىپ، جاستار كوشەسىندە اۋا رايىنىڭ قولايلىعىنا وراي جۇمىستار باستالادى. ال، «بازارقاقپا» تۇرعىن الابىنداعى ەلەكتر جەلىلەردى جاڭارتۋ ءۇشىن «وڭتۇستىكجارىقترانزيت» جشس-ءى ينۆەستيتسيالىق باعدارلاماسىنا ەنگىزىلدى. جۇمىستار اعىمداعى جىلى جۇرگىزىلەدى. سونىمەن قاتار، «بازارقاقپا» تۇرعىن الابىندا ورنالاسقان 9 كوپ قاباتتى تۇرعىن ۇيلەردى كارىز جۇيەلەرىنە قوسۋ ءۇشىن اعىمداعى جوندەۋ جۇمىستارىن جۇرگىزۋگە قاجەتتى سمەتا قۇجاتتارى ازىرلەنىپ، بيۋدجەتتىك ناقتىلاۋىنا ۇسىنىستار ەنگىزىلدى»،-دەدى اۋدان اكىمى.
تۇرعىندارمەن بولعان كەزدەسۋدە كوتەرىلگەن «توعىس» تۇرعىن الابىنداعى ترانسفورماتورلاردىڭ قاۋىپسىزدىك قورشاۋلارىن جۇرگىزۋ بويىنشا «وڭتۇستىك جارىقترانزيت» جشس-ءى اپاتتى تۇرعان ترانسفورماتوردى جوندەپ، قورشاۋلارىن ورناتتتى. ال، ماياتاس، ەلتاي، جىلانبۇزعان، ايناتاس ەلدى مەكەندەردىڭ ورتالىق كوشەلەرىنە ايالداما ورناتۋ ءۇشىن قويىلاتىن جەرلەرى بەلگىلەنىپ، ورناتۋ جۇمىستارى جۇرگىزىلۋدە. جۇمىستار وسى ايدىڭ سوڭىنا دەيىن تولىق اياقتالادى. سونىمەن قاتار، «قازىعۇرت» مادەنيەت ۇيىنەن سپورت جانە ونەر ۇيىرمەلەرىن اشۋ ءۇشىن ينۆەستور ارقىلى جۇمىس جۇرگىزۋ شەشىمى قابىلدانعان.
اۋدان اكىمى كوتەرىلگەن باسقا پروبلەمالاردىڭ ورىندالۋى بويىنشا ءتيىستى جۇمىستار جۇرگىزىپ جاتقانىن اتاپ ءوتتى.
اشىق ديالوگ فورماتىنداعى كەزدەسۋدە اۋدانعا قاتىستى بارلىق ماسەلەلەر كوتەرىلىپ، الدا اتقارىلاتىن جۇمىستار تالقىلاندى. اۋىل بيلەرى اعىن سۋ، ساپالى ينتەرنەت پەن ورتالىق كوشەگە بەينەباقىلاۋ كامەراسىن ورناتۋدى جانە «بادام» وزەنى جاعالاۋلارىنا بەتوندى دامبا قويىپ، بەكىتۋ جانە اباتتاندىرۋ جۇمىستارىن جۇرگىزۋدى، قوسىمشا مەكتەپ سالۋ ماسەلەسىن ايتتى.
قالا اكىمى ءاربىر بەلسەندىنىڭ قوزعاعان ماسەلەسىن مۇقيات تىڭداپ، سۇراقتارعا جەكە-جەكە جاۋاپ بەردى. حالىقتىڭ ءوتىنىشى ورىندالاتىنىنا سەنىم ءبىلدىرىپ، ءاربىر ماسەلە كەزەك رەتىمەن شەشىمىن تاباتىنىن ايتىپ ءتۇسىندىردى.
تۇرعىنداردىڭ ءوتىنىشى بويىنشا سالا جەتەكشىلەرىنە ناقتى تاپسىرما جۇكتەلىپ، ورىندالۋىن باقىلاۋ ءۇشىن حاتتاماعا ەنگىزىلدى.
شىمكەنت قالاسى اكىمدىگىنىڭ ءباسپاسوز قىزمەتى
