Prezidentımızdıŋ «Halyq ünıne qūlaq asatyn memleket» tūjyrymdamasyn ıske asyru negızınde, Şymkent qalasynyŋ äkımı Mūrat Äitenov äkımdık ǧimaratynda Eŋbekşı audanynyŋ belsendı tūrǧyndarymen kezdestı.
Qaŋtar aiynda qala basşysy Eŋbekşı audanynyŋ şalǧai jatqan 16 eldı meken tūrǧyndarymen jüzdesıp, olardyŋ ötınışterın tyŋdaǧan bolatyn. Kezdesuler barysynda auyl bilerı men tūrǧyndar tarapynan 47 ötınışter men mäseleler köterıldı. Olardyŋ 27-ne kezdesu barysynda naqty jauaptar berılgen bolsa, qalǧan 20 mäselelerdı şeşu üşın tiıstı ıs-şaralar bekıtılgen bolatyn.
Bügıngı künge joǧaryda atalǧan 20 mäselenıŋ 7-ı şeşımın tapty. Jiynda osy boiynşa audan äkımı Dosbol Esılbek baiandady.
«Qaratöbe aumaǧyndaǧy jol boiynşa «Älem TransJol» JŞS merdıger mekeme anyqtalyp, Jastar köşesınde aua raiynyŋ qolailyǧyna orai jūmystar bastalady. Al, «Bazarqaqpa» tūrǧyn alabyndaǧy elektr jelılerdı jaŋartu üşın «OŋtüstıkJaryqTranzit» JŞS-ı investisiialyq baǧdarlamasyna engızıldı. Jūmystar aǧymdaǧy jyly jürgızıledı. Sonymen qatar, «Bazarqaqpa» tūrǧyn alabynda ornalasqan 9 köp qabatty tūrǧyn üilerdı kärız jüielerıne qosu üşın aǧymdaǧy jöndeu jūmystaryn jürgızuge qajettı smeta qūjattary äzırlenıp, biudjettık naqtylauyna ūsynystar engızıldı»,-dedı audan äkımı.
Tūrǧyndarmen bolǧan kezdesude köterılgen «Toǧys» tūrǧyn alabyndaǧy transformatorlardyŋ qauıpsızdık qorşaularyn jürgızu boiynşa «Oŋtüstık JaryqTranzit» JŞS-ı apatty tūrǧan transformatordy jöndep, qorşaularyn ornattty. Al, Maiatas, Eltai, Jylanbūzǧan, Ainatas eldı mekenderdıŋ ortalyq köşelerıne aialdama ornatu üşın qoiylatyn jerlerı belgılenıp, ornatu jūmystary jürgızılude. Jūmystar osy aidyŋ soŋyna deiın tolyq aiaqtalady. Sonymen qatar, «Qazyǧūrt» mädeniet üiınen sport jäne öner üiırmelerın aşu üşın investor arqyly jūmys jürgızu şeşımı qabyldanǧan.
Audan äkımı köterılgen basqa problemalardyŋ oryndaluy boiynşa tiıstı jūmystar jürgızıp jatqanyn atap öttı.
Aşyq dialog formatyndaǧy kezdesude audanǧa qatysty barlyq mäseleler köterılıp, alda atqarylatyn jūmystar talqylandy. Auyl bilerı aǧyn su, sapaly internet pen ortalyq köşege beinebaqylau kamerasyn ornatudy jäne «Badam» özenı jaǧalaularyna betondy damba qoiyp, bekıtu jäne abattandyru jūmystaryn jürgızudı, qosymşa mektep salu mäselesın aitty.
Qala äkımı ärbır belsendınıŋ qozǧaǧan mäselesın mūqiiat tyŋdap, sūraqtarǧa jeke-jeke jauap berdı. Halyqtyŋ ötınışı oryndalatynyna senım bıldırıp, ärbır mäsele kezek retımen şeşımın tabatynyn aityp tüsındırdı.
Tūrǧyndardyŋ ötınışı boiynşa sala jetekşılerıne naqty tapsyrma jüktelıp, oryndaluyn baqylau üşın hattamaǧa engızıldı.
Şymkent qalasy äkımdıgınıŋ baspasöz qyzmetı
