"مۇعالىمدەردى ەندى ديرەكتور قابىلدامايدى" - ايماعامبەتوۆ جاڭا مالىمدەمە جاسادى

15205
Adyrna.kz Telegram

پەداگوگتەردى جۇمىسقا قابىلداۋدىڭ جاڭا قاعيدالارى ازىرلەنىپ، قابىلداندى. قىسقاشا ايتقاندا، بۇدان بىلاي ديرەكتورلاردىڭ ءوز قالاۋى بويىنشا مۇعالىمدەردى ءوزى جۇمىسقا قابىلداۋعا مۇمكىندىگى بولمايدى. ەندى ناقتى كريتەريلەر بەلگىلەنىپ، مۇعالىمدەر جۇمىسقا قىزمەتىنىڭ ناتيجەسى مەن جەتىستىكتەرى نەگىزىندە كونكۋرس ارقىلى ورنالاسادى. بيىل بۇل ءراسىم تسيفرلىق فورماتقا كوشىرىلەدى، – دەپ جازدى ايماعامبەتوۆ ءوزىنىڭ فەيسبۋك پاراقشاسىندا.

وسى ورايدا مينيستر ەسەپ بەرۋدى ازايتۋ جانە مۇعالىمدەردى ارتىق جۇمىسقا تارتۋ ماسەلەسى قاتاڭ قاداعالاناتىنىن ەسكەرتتى.

2021 جىلى جاڭا زاڭنىڭ نورمالارىن بۇزعانى ءۇشىن (ارتىق ەسەپتەردى تالاپ ەتۋ، قىزمەتتىك مىندەتىنە جاتپايتىن جۇمىسقا تارتۋ جانە ت.ب.) ءبىلىم بەرۋ ۇيىمدارىنىڭ جۇزدەگەن باسشىسىن جانە وزگە دە لاۋازىمدى تۇلعالاردى جازالاۋعا تۋرا كەلدى. بۇل جۇمىس جالعاساتىن بولادى، – دەپ جازدى قر ءبىلىم جانە عىلىم ءمينيسترى.

"ادىرنا" ۇلتتىق پورتالى

پىكىرلەر