"يرينا كايراتوۆنا" توبىنىڭ مۇشەسى الديار جاپارحانوۆ ەلدەگى جەمقورلىق تۋرالى ايتتى، دەپ جازادى "ادىرنا" liter.kz-كە سىلتەپ.
ء"وز باسىم، كەڭەستىك شىڭدالعان باسشىلار زەينەتكەرلىككە شىققاندا، ءبىر نارسەگە سەنۋگە بولادى دەپ ويلايمىن. مەن جەكە مىسال كەلتىرەيىن، ەرتىستى قارجى ماسەلەسىنەن قۇتقارامىز دەپ جۇرگەن ەدىك، اعاما بىرەۋ تەلەفون سوعىپ، ەگەر مەن ءوز جونىممەن جۇرمەسەم، جۇمىستان قۋىلاتىنىن ايتتى. ال مەن جاي عانا پرەزيدەنت توقاەۆپەن ەلدەگى بولىپ جاتقان زاڭسىزدىق، جەمقورلىق ماسەلەسى تۋرالى سويلەسكىم كەلدى. ال، باسقاشا ايتقاندا بۇل نە؟"
الدياردىڭ ايتۋىنشا، جەمقورلىق ماسەلەسىن ارى قاراي قازبالاپ، ماسەلەنى شەشپەك بولعانىمدا ونى ءولتىرىپ تاستار ەدى دەيدى. ول قارجىلىق ماسەلەلەرگە قاتىستى تۋعان جەرى پاۆلودار ايماعىنىڭ فۋتبول قۇراماسى فك "ەرتىس"-ءتىڭ قازاق فۋتبولى ساحناسىنان كەتۋى تۋرالى بىلاي دەدى:
«مەن كلۋبتاعى وسى جاعدايعا قاتتى نالىدىم. تۋعان جەرىمدە كلۋبتى وسىلاي قۇرتا سالۋعا كوز جۇما قاراي المادىم، ونىڭ ۇستىنە بۇرىنعى وبلىس اكىمى بولات باقاۋوۆ تا پاۆلودارلىق ەدى. ول كوماندانىڭ تاعدىرىنا بەيجاي قاراماۋى كەرەك قوي... وسىدان كەيىن دميتري ۆاسيلەۆ ماعان تەلەفون سوقتى، ول بار شىندىقتى ايتۋعا دايىن ەكەنىن ايتتى. شاماسى، ول مەنىڭ پودكاستتارىمنىڭ بىرىنە قوسىلعىسى كەلدى، بىراق مەن وعان ەندى ول جوبالارعا قاتىسپايتىنىمدى ايتتىم. جاۋاپ رەتىندە ول مەنى قورقاق دەپ ايىپتادى.
ويىنشىلاردىڭ وزدەرى جالاقىلارى قاشان بەرىلەتىنى تۋرالى سۇراقتارىمەن دە ماعان جۇگىندى. ويتكەنى، مەن كلۋب باسشىلىعىمەن سويلەسىپ، سوعان سايكەس باسشىلىق پەن ويىنشىلار اراسىنداعى «كوپىر» بولدىم. ولارمەن ەشقانداي بايلانىس بولمادى. ولاردىڭ اراسىندا «كوننەكت» دەگەن جوق ەدى. سول كارلوس فونسەكانىڭ ءوزى دە ولارعا جالاقىنىڭ قاشان تولەنەتىنىن بىلمەدى.
بارلىق جولدار استاناعا اپارىپ تۇردى. ماسەلەنىڭ شەشىمى ماعان سولاي كورىندى. ولار ماعان تەندەرلىك ءىس-شارانىڭ قۇجاتتارىن كورسەتكەندە، قانشا قاراجات ءبولىنۋى كەرەك ەدى، ناقتى قانشاسى جۇمسالدى، ءبارى سول كەزدە بەلگىلى بولدى. مەنىڭ ويىمشا، ەگەر مەن ارى قاراي قازبالاسام، مەنى ءولتىرىپ تاستار ەدى. سوندىقتان مەن سول جەردەن توقتادىم. مەن ءۇشىن وتباسى قىمباتىراق. وسى وقيعادان كەيىن مەن دە فۋتبولشىلاردى تۇسىنە باستادىم".
"ادىرنا" ۇلتتىق پورتالى
