شىمكەنت قالاسىن جىلۋمەن قامتاماسىز ەتۋ ماقساتىندا 2021 جىلى 3 نىساننىڭ قۇرىلىس جۇمىستارى باستالعان. ونىڭ 2 نىسانى اياقتالىپ، 1 نىساندا قۇرىلىس جۇمىستارى جۇرگىزىلۋدە. ناتيجەسىندە جىلۋ جۇيەلەرىنىڭ توزۋ دەڭگەيى 38,2%-دان 37,3%-عا تومەندەدى.
2022-2025 جىلدارى جىلۋ جۇيەلەرىن، دەربەس قازاندىقتار مەن سورعى ستانسالارىنىڭ توزۋ دەڭگەيىن تومەندەتۋ ءۇشىن قايتا قۇرۋ جانە اعىمداعى جوندەۋ جۇمىستارىن جۇرگىزۋ جوسپارلانعان. اتاپ ايتقاندا، بيىل:
- 8,4 كم جىلۋ جۇيەلەرىن قايتا قۇرۋ،
- 23,7 كم ىشكى ورامدىق جىلۋ جۇيەلەرىن اعىمداعى جوندەۋ
- 2 سورعى ستانسانى قايتا قۇرۋ جۇمىستارىن جۇرگىزۋ جوسپارلانعان.
ناتيجەسىندە جىلۋ جۇيەلەرىنىڭ توزۋ دەڭگەيى 37,3%-دان 35,1%-عا تومەندەيدى.
✅ 2023 جىلى - 32,2 كم ىشكى ورامدىق جىلۋ جۇيەلەرىن اعىمداعى جوندەۋ، 3 سورعى ستانساسىن جانە 3 دەربەس قازاندىقتى قايتا قۇرۋ جۇمىستارى.
2024 جىلى - 3,2 كم جىلۋ جۇيەلەرىن قايتا قۇرۋ، 40,3 كم ىشكى ورامدىق جىلۋ جۇيەلەرىن اعىمداعى جوندەۋ جانە 1 قازاندىقتى قايتا قۇرۋ جۇمىستارى.
2025 جىلى - 40,3 كم ىشكى ورامدىق جىلۋ جۇيەلەرىن اعىمداعى جوندەۋ، 30,2 كم ىشكى ورامدىق جىلۋ جۇيەلەرىن قىمتاۋ (يزولياتسيا) جانە 2 دەربەس قازاندىقتى قايتا قۇرۋ جۇمىستارىن جۇرگىزۋ قارالعان.
شىمكەنت قالاسى اكىمدىگىنىڭ ءباسپاسوز قىزمەتى
