بۇگىن شىمكەنت قالاسىنىڭ اكىمى مۇرات ايتەنوۆ ەنەرگەتيكا جانە ينفراقۇرىلىمدى دامىتۋ باسقارماسىنىڭ ەسەبىن تىڭدادى. جيىندا باسقارما باسشىسى ب.بۋلاتبەكوۆ بيىلعى جىلى اتقارىلاتىن جۇمىستاردى باياندادى.
باسقارما باسشىسى شىمكەنت قالاسىنىڭ 5 جىلدىق دامۋ جوسپارىنا سايكەس 2022 جىلى سالادا 76 جوبا جۇزەگە اسىرىلاتىنىن ايتتى. اتاپ ايتقاندا، اۋىز سۋ - 4, كارىز جۇيەسى – 14, ەلەكتر – 14, تابيعي گاز – 15, جىلۋ – 5, ينجەنەرلىك ينفراقۇرىلىم – 24 نىسان بار. اتقارىلار جۇمىستاردىڭ ناتيجەسىندە جىل سوڭىندا مەگاپوليستى اۋىز سۋمەن قامتۋ كورسەتكىشى 98%-دان 99 پايىزعا، كارىز جۇيەسىمەن قامتۋ 54 پايىزدان 60 پايىزعا، ساپالى ەلەكترمەن قامتۋ دەڭگەيى 97%-دان 99%-عا، تابيعي گازبەن قامتىلۋ كورسەتكىشىن 93%-دان 94,7%-عا دەيىن كوتەرۋ جوسپارلانۋدا. ال، جىلۋ جەلىلەرىنىڭ توزۋ دەڭگەيى 37-دەن 35 پايىزعا تومەندەيدى. جوبالاردى جۇزەگە اسىرۋدا شالعاي ەلدىمەكەندەرگە باسىمدىق بەرىلگەن.
حالىقتىڭ تىرشىلىك ەتۋىنە باستى قاجەتتىلىك ينفراقۇرىلىم جۇيەلەرى ەكەنىن ايتقان قالا اكىمى سالا باسشىسىنا بىرقاتار ناقتى تاپسىرمالار بەردى. اۋداندارداعى توزىعى جەتكەن ەلەكتر جەلىلەرىنىڭ بارلىعىن تەكسەرىپ، كەستەسىن جاساقتاپ، قاداعالاپ وتىرۋ قاجەت. ابدەن توزىعى جەتىپ، اۋماق جارىقسىز قالعان ساتتە ەمەس، الدىن الا باعامداپ، جوندەۋ جۇمىستارىن جاساپ وتىرۋ كەرەكتىگىن، جەكەمەنشىك نىسانداعى ينفراقۇرىلىم جۇيەلەرىنىڭ ساپاسىنا دا ءمان بەرىپ، ولاردى تەكسەرەتىن مەحانيزمنىڭ جۇمىس ىستەۋىن قامتاماسىز ەتۋ قاجەتتىگىن ايتتى. جوبانىڭ ماڭىزدىلىعى سانىندا ەمەس، حالىققا تيىمدىلىگىنىڭ جوعارى بولۋىندا ەكەنىن ەسكەرسەك، ءاربىرىنىڭ ساپالى ورىندالۋى قاتاڭ باقىلاۋعا قويىلۋىن، تۇرعىندارمەن كەزدەسۋدە كوتەرىلگەن ماسەلەلەر جوبالاردى جۇزەگە اسىرۋ بارىسىندا نازارعا الىنۋىن تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
