بۇگىن شىمكەنت قالاسىنىڭ اكىمى مۇرات ايتەنوۆ قالالىق ورتا ساپاسى جانە باقىلاۋ باسقارماسىنىڭ 2022 جىلى اتقارىلاتىن جۇمىستارىنىڭ ەسەبىن تىڭدادى.
باسقارما باسشىسى نۇرداۋلەت قۇربانبەكۇلى قالا اۋماعىندا سالىنىپ جاتقان قۇرىلىس نىساندارى بويىنشا زەردەلەۋ جۇمىستارى بيىلدا جالعاستىرىلاتىنىن، قۇرىلىس جۇرگىزۋگە قويىلاتىن باستاپقى نەگىزگى تالاپتاردى ساقتاماي جۇرگىزىلىپ جاتقان نىساندارعا مونيتورينگ جۇرگىزىلەتىنىن جەتكىزدى.
سونداي-اق، قۇرىلىس ساپاسىنا باقىلاۋدى كۇشەيتۋ ماقساتىندا تەحنيكالىق قاداعالاۋشىلاردىڭ ەسەپتەرىن E-Qurylys پلاتفورماسى ارقىلى جۇرگىزىلەتىنىن بايانداپ ءوتتى.
وسى رەتتە اكىم قۇرىلىستا ءتارتىپ ورناتىپ، قۇرىلىس مادەنيەتىن قالىپتاستىرۋدى، ياعني، قۇرىلىس نىسانىنا كىرىپ شىعۋداعى تازالىقتى ساقتاۋدى ايتتى. قۇرىلىس نىساندارىن تەكسەرۋ بارىسىندا اۋماعىنىڭ قورشالعانىنا، كولىكتەردىڭ تازالىعى، نىسان تولقۇجاتىن ورنالاستىرۋىنا جانە جۇك كولىكتەرىنىڭ تەنتپەن جابىلۋىنا باسا نازار اۋدارۋدى ايتىپ، ونىڭ ورىندالۋىن قاداعالاۋدى تاپسىردى.
سالا جەتەكشىسى قالا اۋماعىنداعى 2 236 كوپقاباتتى تۇرعىن ءۇيدىڭ 1 823-ءى باسقارۋ نىسانىن تىركەۋگە جاتاتىن تۇرعىن ۇيلەر ەكەنىن ايتىپ، بۇگىندە اتالعان كوپقاباتتى ۇيلەردىڭ بارلىعى باسقارۋدىڭ جاڭا جۇيەسىنە تىركەلگەنىن ءمالىم ەتتى. ونىڭ ىشىندە، كوپقاباتتى 1 702 ءۇي باسقارۋدىڭ جاي سەرىكتەستىگىنە (جس), 121-ءى مۇلىك يەلەرىنىڭ بىرلەستىگىنە (ميب) كوشكەن.
قالا باسشىسى كوپقاباتتى ۇيلەر باسقارۋدىڭ جاڭا جۇيەسىنە 100 پايىز كوشكەنىمەن، ءوز قۇزىرەتتەرىن ءتۇسىندىرۋ جۇمىستارىندا كەمشىل تۇستارى اقساپ تۇرعانىن ايتىپ، اقپاراتتىق-ءتۇسىندىرۋ جۇمىستارىن كۇشەيتۋدى تاپسىردى.
ەسەپتى جيىندا باسقارما باسشىسى پايدالانۋ مەرزىمى وتكەن 30 ليفت بويىنشا اۋىستىرۋ جۇمىستارىن جۇرگىزۋدى جانە ليفتىلەرگە قىزمەت كورسەتۋ كومپانيالاردىڭ قىزمەتىن 109 I-komek ورتالىعىمەن ينتەگراتسيالاۋ، ءۇي ىشىلىك گاز جابدىقتارىنا تەحنيكالىق قىزمەت كورسەتۋگە ءتيىستى شارت جاسالۋىن تسيفرلاندىرۋ ماقساتىندا، «I-Shymkent» پورتالىنا ەنگىزۋ تۋرالى ۇسىنىستارىن جەتكىزدى.
شىمكەنت قالاسى اكىمدىگىنىڭ ءباسپاسوز قىزمەتى
