Bügın Şymkent qalasynyŋ äkımı Mūrat Äitenov qalalyq orta sapasy jäne baqylau basqarmasynyŋ 2022 jyly atqarylatyn jūmystarynyŋ esebın tyŋdady.
Basqarma basşysy Nūrdäulet Qūrbanbekūly qala aumaǧynda salynyp jatqan qūrylys nysandary boiynşa zerdeleu jūmystary biylda jalǧastyrylatynyn, qūrylys jürgızuge qoiylatyn bastapqy negızgı talaptardy saqtamai jürgızılıp jatqan nysandarǧa monitoring jürgızıletının jetkızdı.
Sondai-aq, qūrylys sapasyna baqylaudy küşeitu maqsatynda tehnikalyq qadaǧalauşylardyŋ esepterın E-Qurylys platformasy arqyly jürgızıletının baiandap öttı.
Osy rette äkım qūrylysta tärtıp ornatyp, qūrylys mädenietın qalyptastyrudy, iaǧni, qūrylys nysanyna kırıp şyǧudaǧy tazalyqty saqtaudy aitty. Qūrylys nysandaryn tekseru barysynda aumaǧynyŋ qorşalǧanyna, kölıkterdıŋ tazalyǧy, nysan tölqūjatyn ornalastyruyna jäne jük kölıkterınıŋ tentpen jabyluyna basa nazar audarudy aityp, onyŋ oryndaluyn qadaǧalaudy tapsyrdy.
Sala jetekşısı qala aumaǧyndaǧy 2 236 köpqabatty tūrǧyn üidıŋ 1 823-ı basqaru nysanyn tırkeuge jatatyn tūrǧyn üiler ekenın aityp, bügınde atalǧan köpqabatty üilerdıŋ barlyǧy basqarudyŋ jaŋa jüiesıne tırkelgenın mälım ettı. Onyŋ ışınde, köpqabatty 1 702 üi basqarudyŋ jai serıktestıgıne (JS), 121-ı mülık ielerınıŋ bırlestıgıne (MİB) köşken.
Qala basşysy köpqabatty üiler basqarudyŋ jaŋa jüiesıne 100 paiyz köşkenımen, öz qūzyretterın tüsındıru jūmystarynda kemşıl tūstary aqsap tūrǧanyn aityp, aqparattyq-tüsındıru jūmystaryn küşeitudı tapsyrdy.
Eseptı jiynda basqarma basşysy paidalanu merzımı ötken 30 lift boiynşa auystyru jūmystaryn jürgızudı jäne liftılerge qyzmet körsetu kompaniialardyŋ qyzmetın 109 I-komek ortalyǧymen integrasiialau, üi ışılık gaz jabdyqtaryna tehnikalyq qyzmet körsetuge tiıstı şart jasaluyn sifrlandyru maqsatynda, «I-Shymkent» portalyna engızu turaly ūsynystaryn jetkızdı.
Şymkent qalasy äkımdıgınıŋ baspasöz qyzmetı
