شىمكەنت قالاسىنىڭ اكىمى مۇرات ايتەنوۆ تۇرعىنداردى جەكە ماسەلەلەرى بويىنشا ونلاين قابىلدادى. تۇرعىندار ساۋالدارىنىڭ باسىم بولىگى تۇرعىن ءۇي، جەر تەلىمىن راسىمدەۋ، جول، كوشە جارىقتاندىرۋى سەكىلدى ماسەلەلەرگە بايلانىستى.
قابىلداۋدا بولعان قۇرساي شاعىن اۋدانىنىڭ تۇرعىنى يرريگاتسيالىق ارىقتار مەن جارىقشامدار قويىپ بەرۋىن سۇرادى. وعان قالا اكىمى اۋىز سۋ جۇيەسىنىڭ قۇرىلىس جۇمىستارى اياقتالعان سوڭ، يرريگاتسيالىق ارىق جۇيەسىن جۇرگىزۋ وسى جىلدىڭ 4 توقسانىندا اياقتالاتىنىن، ال، كوشەلەردى جارىقتاندىرۋدا ءبىرىنشى كەزەكتە شاعىناۋداندار مەن تۇرعىن الاپتاردىڭ الەۋمەتتىك نىساندار كوشەلەرىن قامتۋ جوسپارلانعانىن ايتىپ ءوتتى.
ءاربىر ازاماتتىڭ وتىنىشتەرى مەن شاعىمدارىن جاۋاپتى سالا باسشىلارىمەن بiرگە تىڭداعان مۇرات ايتەنوۆ ايتىلعان ماسەلەلەر نازارعا الىنىپ، زاڭ اياسىندا ورىندالاتىنىن ءتۇسiندiردi. جەر قۇقىعى قاتىناستارىنان تۋىندايتىن داۋلار سوت ارقىلى قارالاتىنىن ايتىپ، باعىت-باعدار بەرسە، باسپانا سۇراعان ازاماتتارعا پاتەرلەر كەزەك رەتتىلىگىمەن عانا بەرىلەتىنىن جەتكىزدى. جەتەكشى سالا باسشىلارىنا ءوز قۇزىرەتتىلىگى اياسىندا كوتەرىلگەن ماسەلەلەردى شەشىپ، ناتيجەسىن بايانداۋ جونىندە تاپسىرما بەردى. بارلىق ءوتىنىش-ارىزداردىڭ ورىندالۋىن قالا اكىمى تىكەلەي ءوز باقىلاۋىنا الدى.
شىمكەنت قالاسى اكىمدىگىنىڭ ءباسپاسوز قىزمەتى
