Şymkent qalasynyŋ äkımı Mūrat Äitenov tūrǧyndardy jeke mäselelerı boiynşa onlain qabyldady. Tūrǧyndar saualdarynyŋ basym bölıgı tūrǧyn üi, jer telımın räsımdeu, jol, köşe jaryqtandyruy sekıldı mäselelerge bailanysty.
Qabyldauda bolǧan Qūrsai şaǧyn audanynyŋ tūrǧyny irrigasiialyq aryqtar men jaryqşamdar qoiyp beruın sūrady. Oǧan qala äkımı auyz su jüiesınıŋ qūrylys jūmystary aiaqtalǧan soŋ, irrigasiialyq aryq jüiesın jürgızu osy jyldyŋ 4 toqsanynda aiaqtalatynyn, al, köşelerdı jaryqtandyruda bırınşı kezekte şaǧynaudandar men tūrǧyn alaptardyŋ äleumettık nysandar köşelerın qamtu josparlanǧanyn aityp öttı.
Ärbır azamattyŋ ötınışterı men şaǧymdaryn jauapty sala basşylarymen birge tyŋdaǧan Mūrat Äitenov aitylǧan mäseleler nazarǧa alynyp, zaŋ aiasynda oryndalatynyn tüsindirdi. Jer qūqyǧy qatynastarynan tuyndaityn daular sot arqyly qaralatynyn aityp, baǧyt-baǧdar berse, baspana sūraǧan azamattarǧa päterler kezek rettılıgımen ǧana berıletının jetkızdı. Jetekşı sala basşylaryna öz qūzırettılıgı aiasynda köterılgen mäselelerdı şeşıp, nätijesın baiandau jönınde tapsyrma berdı. Barlyq ötınış-aryzdardyŋ oryndaluyn qala äkımı tıkelei öz baqylauyna aldy.
Şymkent qalasy äkımdıgınıŋ baspasöz qyzmetı
