بۇگىن قر مەملەكەتتىك حاتشىسى ەرلان كارين مىرزانىڭ قابىلداۋىندا بولدىق.
1.ءبىلىم سالاسىن جايلاعان جەمقورلىق جايلاپ بارادى.
ءار اۋىلدا مەكتەپ پەن بالا باقشا بار، تۇرعىنداردىڭ ۇلكەن بولىگىنىڭ بالاسى مەكتەپكە نەمەسە بالا باقشاعا بارادى.
مەملەكەتتىلىگىمىز ءۇشىن ەڭ ۇلكەن قاۋىپ - حالىقتىڭ مەملەكەتتىك قىزمەتكەرلەرگە سەنىمىنىڭ ازايۋى..
ەگەر پرەزيدەنت ق.توقاەۆ باستاماشى بولعان "جاڭا قازاقستان" ساياساتىنا حالىقتى سەندىرگىمىز كەلسە، ءبىلىم سالاسىنداعى بىلىقتاردى تازارتۋدان باستاۋ كەرەك.
تازارتۋدى حالقى وتە تىعىز قونىستانعان تۇركىستان وبلىسىنان باستاماسا بۇل ىندەت بۇكىل قازاقستانعا تارالا بەرەدى.
"جەكە باسقا قاراي قارجىلاندىرۋ" دەگەن سىلتاۋمەن بيۋدجەت قارجىسى تالان-تاراجعا ءتۇسىپ جاتىر. بالا باقشالارداعى ء"ولى جانداردى" جويۋ كەرەك. كەيبىر اۋدانداردا بالا باقشا قىزمەتكەرلەرىنە اۋىرعان كۇندەرى ءۇشىن جالاقى تولەنبەيدى.
وعان ونلاين وقۋعا بايلانىستى الىنعان كومپيۋتەرلەر داۋىن قوسساق جاعداي وتە مۇشكىل.
2. ءمينيسترىمىز وتە ءبىلىمدى، ءىستىڭ جايىن جاقسى بىلگەنمەن، بجعم-ن شىعىپ جاتقان قۇجاتتاردا شالالىق كوپ.
ءبىلىم بەرۋ وشاقتارى باسشىلارىن روتاتسيالاۋ تۋرالى بۇيرىقتى قايتا قاراماسا، بارىمىزدان ايرىلىپ قالۋ قاۋپى بار..
ءبىلىم باسقارمالارىن تىكەلەي مينيسترلىككە باعىندىرۋ كەرەك.
ال ول مۇمكىن بولماسا، بجعم مينيسترىنە 3-ۆيتسە-پرەمەر قۇزىرەتىن جۇكتەپ، باسقارما باسشىلارىن تاعايىنداۋ مىندەتىن مينيسترگە بەرۋ كەرەك.
3. ەلىمىزدەگى 350 مىڭعا جۋىق پەداگوگتىڭ وكىلى رەتىندە رەسپۋبليكالىق اعارتۋشى قوزعالىسى اتىنان ۇلتتىق سەنىم كەڭەسىنە استانالىق مەكتەپ ديرەكتورى اياتجان احمەتجانۇلىن مۇشە ەتۋىڭىزدى سۇرايمىن.
4. ءوز باسىم "قاڭتار وقيعالارىنا" قاتىستى ۇستالعان شىمكەنتتىك بەلسەندىلەر ە. قۇلباەۆ، ن.تاتاەۆ، م. سادىبەكوۆ دەگەن ازاماتتاردىڭ ەكسترەميزمگە قاتىسى بار دەپ ويلامايمىن. سوندىقتان، سول ازاماتتاردى بوساتۋعا ىقپال جاساۋىڭىزدى سۇرايمىن..
5. جالپى، ەكسترەميزمنىڭ الدىن الۋمەن ۇقك نەمەسە ءىىم ورگاندارىنىڭ ءبىرى اينالىسسا دۇرىس بولار ەدى.
كوتەرگەن ماسەلەلەرىمنىڭ ۇزىن-ىرعاسى وسى..
ەرەكەڭ الدىڭعى 2 ماسەلەنى زەرتتەۋگە تاپسىرما بەرەتىنىن ايتتى.
- ال وسىندا ايتقان ماسەلەلەردى پرەزيدەنت ەستۋى ءۇشىن ۇلتتىق سەنىم كەڭەسىنە ءسىزدىڭ كىرگەنىڭىز ءجون.
ءسىزدىڭ پوستارىڭىزدى وقىپ وتىرامىن.
سوندىقتان، 2019 جىلى وزىڭىزگە حابارلاسقانمىن.
ءسىز اتاعان بەلسەندىلەر شەرۋگە شاقىرماعان جانە ەشتەڭە قيراتپاعان بولسا، بوساتىلادى!
مەملەكەتتىك حاتشى ۇقك مەن ءىىم ەكسترەميزممەن كۇرەسىندە ايتارلىقتاي ايىرماشىلىق بار! - دەپ، ەكەۋىنىڭ فۋنكتسيالارىن ءتۇسىندىرىپ بەردى.
قاراپايىم مەكتەپ مۇعالىمىن شاقىرىپ، جىلى قابىلداپ، مۇقيات تىڭداعانى ءۇشىن ەرەكەڭە العىس ايتقىم كەلەدى..
PS: مەنىمەن بىرگە قابىلداۋدا بولعان قوعام بەلسەندىسى رۇستەم ەسىمحانۇلى اشەتاەۆ كوتەرگەن ماسەلەسىن ءوز پاراقشاسىندا جاريالاي جاتار..
ءومىر شىنىبەكۇلى
