ايەلىن قاتىگەزدىكپەن ءولتىردى دەپ ايىپتالعان ەكس-مينيستر قۋاندىق بيشىمباەۆ ۆيدەودا ءبىر سۇراقتى سالتانات نۇكەنوۆاعا 175 رەت قويعان. بۇل تۋرالى بۇگىن ءجارىسسوز بارىسىندا زارداپ شەككەن تاراپتىڭ قورعاۋشىسى دامير يشمامەتوۆ مالىمدەدى، دەپ حابارلايدى “ادىرنا” ۇلتتىق پورتالى.
يشمامەتوۆ سوتتالۋشىنىڭ تەلەفونىنان تابىلعان ۆيدەولارعا نازار اۋدارا، بيشىمباەۆ نۇكەنوۆاعا ءبىر سۇراقتى 175 رەت قويعانىن ايتادى.
"ولاردىڭ ارقايسىندا ول نۇكەنوۆانى ۇيلەنگەن ەر اداممەن جىنىستىق قاتىناسقا تۇسكەنىن مويىنداۋعا ماجبۇرلەيدى. 8-9 قاراشاداعى وقيعالارعا ورالساق، سوتتالۋشىلاردىڭ قىلمىس جاساعانىن اشكەرلەيتىن بىرقاتار دالەلدەر كەلتىرىلدى. وسى ۆيدەونى تاعى ءبىر رەت ەسكە سالعىم كەلەدى. وسىلايشا، بيشىمباەۆ 20 مينۋتتان استام ۋاقىت ىشىندە مونوتوندى داۋىسپەن 175 رەت كەلەسى سوزدەردى ايتادى: "ايت، ... (باسقا ادامنىڭ ەسىمى - ەسك.) جىنىستىق قاتىناسقا تۇسكەن سەن بە؟". ءبىر ءسوزدى 175 رەت قايتالاعان", - دەپ اتاپ ءوتتى ادۆوكات.
