Áıelin qatigezdikpen óltirdi dep aıyptalǵan eks-mınıstr Qýandyq Bıshimbaev vıdeoda bir suraqty Saltanat Núkenovaǵa 175 ret qoıǵan. Bul týraly búgin jaryssóz barysynda zardap shekken taraptyń qorǵaýshysy Damır Ishmametov málimdedi, dep habarlaıdy “Adyrna” ulttyq portaly.
Ishmametov sottalýshynyń telefonynan tabylǵan vıdeolarǵa nazar aýdara, Bıshimbaev Núkenovaǵa bir suraqty 175 ret qoıǵanyn aıtady.
"Olardyń árqaısynda ol Núkenovany úılengen er adammen jynystyq qatynasqa túskenin moıyndaýǵa májbúrleıdi. 8-9 qarashadaǵy oqıǵalarǵa oralsaq, sottalýshylardyń qylmys jasaǵanyn áshkerleıtin birqatar dálelder keltirildi. Osy vıdeony taǵy bir ret eske salǵym keledi. Osylaısha, Bıshimbaev 20 mınýttan astam ýaqyt ishinde monotondy daýyspen 175 ret kelesi sózderdi aıtady: "Aıt, ... (basqa adamnyń esimi - esk.) jynystyq qatynasqa túsken sen be?". Bir sózdi 175 ret qaıtalaǵan", - dep atap ótti advokat.
