9 اقپان 2022 جىل، «اق جول» دەموكراتيالىق پارتياسىنىڭ ءباسپاسوز قىزمەتى
«اق جول»: جۇمىسپەن قامتۋدىڭ كۇماندى باعدارلامالارىنىڭ ورنىنا كاسىپكەرلىكتى قولداۋ كەرەك. بۇل تۋرالى «اق جول» فراكتسياسىنىڭ دەپۋتاتتىق ساۋالىندا ماقسات رامانقۇلوۆ مالىمدەدى.
قر پرەمەر-ءمينيسترىنىڭ ورىنباسارى
ە. توعجانوۆقا
كەشەگى ۇكىمەت وتىرىسىندا پرەزيدەنت ق. توقاەۆ باستى مىندەت ازاماتتارىمىزدىڭ ءال-اۋقاتىن ارتتىرۋ، تابىستاعى ايىرماشىلىقتى جويۋ، لايىقتى ەڭبەك جاعدايلارى بار جۇمىس ورىندارىن قۇرۋ بولۋى ءتيىس ەكەنىن اتاپ ءوتتى.
اق جول دەموكراتيالىق پارتياسى مەملەكەتتىك جۇمىسپەن قامتۋ باعدارلامالارىنىڭ تيىمسىزدىگى ماسەلەلەرىن بىرنەشە رەت كوتەردى.
ازىرلەنگەن باعدارلامالار مەن ۇسىنىلعان ادىستەر جەتكىلىكتى جۇمىس ورىندارىن قۇرۋ بويىنشا ناتيجە بەرگەن جوق. بۇل رەتتە وسى ماقساتتارعا ارنالعان شىعىستار جىلدان جىلعا ۇلعايۋدا.
مىسالى: وتكەن 10 جىلدا حالىقتى جۇمىسپەن قامتۋدىڭ بىرنەشە باعدارلاماسى ازىرلەندى، وعان 150 ملرد تەڭگەدەن استام قاراجات جۇمسالدى، بۇل رەتتە جوسپارلانعاننان 4-5 ەسەگە از جۇمىس ورىندارى قۇرىلدى.
جۇمىس ورىندارى وسى شىعىندارعا سايكەس قۇرىلىپ جاتقان، كوبىنەسە ۋاقىتشا جۇمىس ورىندارى قۇرىلىپ، جالاقىلاردىڭ تومەندىگى نەمەسە باسقا دا كريتەريلەرگە بايلانىستى حالىق ءۇشىن تارتىمسىز بولىپ شىعادى.
"ەڭبەك بيرجاسى" ينتەرنەت-رەسۋرسى ەڭبەكاقىسى لايىقتى جۇمىس ۇسىنبايدى، شىن مانىندە اقىلعا قونىمدى شەشىم ۇسىنبايتىن ەلەكتروندىق اقپاراتتىق رەسۋرس بولىپ تابىلادى.
جۇمىسپەن قامتۋدى قولداۋ شارالارىن ىسكە اسىرۋ مەملەكەتتىك باعدارلاما اياسىندا جەرگىلىكتى اتقارۋشى ورگاندارى مەن جۇمىسپەن قامتۋ ورتالىقتارى تاراپىنان مەرزىمدى بۇزۋشىلىقتاردىڭ بولۋى بايقالادى.
وسىلايشا، قر باس پروكۋراتۋراسىمەن جۇرگىزىلگەن تەكسەرۋ ناتيجەلەرى بويىنشا ۋاقىتشا جۇمىس ورىندارىنا جۇمىسقا ورنالاستىرۋ كەزىندە ورىن العان بۇزۋشىلىقتار انىقتالدى.
100 مىڭ ادامنان (الەۋمەتتىك جۇمىس ورىندارى، قوعامدىق جۇمىستار، جاستار پراكتيكاسى) 80 مىڭ قىزمەتكەر بويىنشا (جۇمىسقا ورنالاسقانداردىڭ 80%-ى!) الەۋمەتتىك جانە زەينەتاقى اۋدارىمدارىن ولاردىڭ ەڭبەگىنە اقى تولەۋگە مەملەكەتتىك سۋبسيديالار العان جۇمىس بەرۋشىلەر ەمەس، جۇمىسپەن قامتۋ باعدارلاماسىنا قاتىسپاعان ءۇشىنشى تۇلعالار جۇزەگە اسىرعان.
سونداي-اق، پروكۋراتۋرا ادامداردى جالعان جۇمىسپەن قامتۋدىڭ 1000-نان استام فاكتىسىن انىقتاعانىن اتاپ وتكەن ءجون. ءتىپتى قايتىس بولعاندار دا، باسقا ۇيىمداردىڭ قىزمەتكەرلەرى دە جۇمىس ورىندارىنا "جۇمىسقا ورنالاستىرىلدى" دەگەن دەرەكتەر بار.
تۇركىستان وبلىسىندا جۇمىسپەن قامتۋ ورتالىعىنىڭ باسشىلارى مەن پوليتسيا باستىعىنان تۇراتىن قىلمىستىق توپ 464 ملن تەڭگە ۇرلاعان.
مەملەكەتتىك باعدارلامالار ارقىلى جۇمىسقا ورنالاسۋ كەزىندە ءجيى كەزدەسەتىن پروبلەمالار - بۇل قىزمەتكەرلەردىڭ قابىلەتسىزدىگى، ءوتىنىش بەرۋشىنىڭ جۇمىسقا ورنالاسۋىنا قىزىعۋشىلىق تانىتپاۋى، بيۋروكراتيا، ۇزاق ۋاقىت كۇتۋ جانە ۇلكەن كەزەك.
مۇنىڭ ءبارى مەملەكەتتىك باعدارلامالاردىڭ بەدەلىن تۇسىرەدى جانە ەل بيۋدجەتىنىڭ اقتالمايتىن شىعىستارىنا اكەپ سوعادى.
ەگەر ءبىز ناقتى جۇمىس ورىندارىن اشقىمىز كەلسە، وندا شەشىم قاراپايىم – جاپپاي كاسىپكەرلىكتى دامىتۋ قاجەت، سول كەزدە ءاربىر ادام مەملەكەتتەن كومەكتى كۇتپەي، ءوز ءىسىن اشىپ، نە ءوزىنىڭ جەرلەستەرى قۇرعان شاعىن نەمەسە ورتا كاسىپورىنعا جۇمىسقا ورنالاسا الادى.
سوندىقتان جۇمىسپەن قامتۋ باعدارلاماسى ءىس جۇزىندە شوب-تى دامىتۋ، ۇزاق جانە جەڭىل كرەديتتەردىڭ قولجەتىمدىلىگى، ادال باسەكەلەستىك جانە بيزنەستەن بوپسالاۋدى جويۋ جونىندەگى شارالاردى قامتۋعا ءتيىس.
جالعان جۇمىسقا جۇمسالعان ميللياردتاعان قاراجات بيزنەس سالىقتارىنان جينالادى، سوندىقتان بۇل اقشانى كاسىپكەرلەردە قالدىرعان ءجون، مۇمكىن ولار بۇل قاراجاتقا جاڭا جۇمىس ورىندارىن قۇرۋعا جانە قىزمەتكەرلەردىڭ جالاقىسىن ارتتىرۋعا باسا نازار اۋدارۋى مۇمكىن.
جوعارىدا ايتىلعانداردى نەگىزگە الا وتىرىپ، اق جول پارتياسى كەلەسىلەردى ۇسىنادى:
1) جالپى جۇمىسسىزدىق ماسەلەسىن شەشپەيتىن كۇماندى باعدارلامالارعا مەملەكەتتىك قاراجاتتى جۇمساۋدى توقتاتۋ.
2) قاراجاتتى جاپپاي كاسىپكەرلىكتى، شاعىن جانە ورتا بيزنەستى دامىتۋ ءۇشىن جاعداي جاساۋ، كرەديتتەردىڭ ارزانداۋىنا جانە اكىمشىلىك قىسىمنىڭ تومەندەۋىنە جۇمساۋ، مۇنىڭ ءوزى ەل ەكونوميكاسىنىڭ نەعۇرلىم ورنىقتى دامۋىنا جانە حالىقتىڭ جۇمىسقا ورنالاسۋىنا الىپ كەلەدى.
3) بارلىق قولدانىستاعى مەملەكەتتىك جۇمىسپەن قامتۋ باعدارلامالارىنا رەۆيزيا جۇرگىزۋ جانە ازاماتتارىمىزدى جۇمىس ورىندارىمەن قامتاماسىز ەتۋ جونىندە نەعۇرلىم ۇتىمدى ءارى پارمەندى شارالار قابىلداۋ.
قۇرمەتپەن، "اق جول" فراكتسياسىنىڭ دەپۋتاتتارى
