شىمكەنت قالاسى اكىمىنىڭ ورىنباسارى ەرعالي بىلىسبەكوۆ كەزەكتى رەت تۇرعىنداردى ونلاين رەجيمدە قابىلداپ، 30-عا جۋىق ازاماتتىڭ ءوتىنىشى مەن شاعىمدارىن تىڭدادى.
قابىلداۋدا باسپانا مەن جۇمىسپەن قامتۋ جانە الەۋمەتتىك كومەككە قاتىستى ماسەلەلەر قارالدى.
اكىم ورىنباسارىنا جەكە ماسەلەسىن ايتقان ازادا احانتاەۆا تۇرعىن ۇيمەن قامتاماسىز ەتۋدى سۇراعان. جولداسىمەن اجىراسقان سوڭ ءۇش بالاسىمەن قالاعا قونىس اۋدارعان. بۇگىندە ا.احانتاەۆا پاتەر جالداپ، قوعامدىق تاماقتانۋ ورنىندا جۇمىس ىستەيدى. الايدا تۇرعىن ءۇي كەزەگى ءۇشىن قۇجات تاپسىرماعان.
ە.بىلىسبەكوۆ جاعدايدى ءوز باقىلاۋىنا الاتىنىن، ازاماتشاعا زاڭ اياسىن كومەك كورسەتەتىنىن جەتكىزدى. وسى ماسەلەگە قاتىستى باسقارما باسشىلارىنا ءۇي كەزەگىنە تۇرۋ جونىندە تۇسىندىرمە جۇمىسىن جۇرگىزۋدى جانە تۇراقتى جۇمىسپەن قامتۋدى تاپسىردى.
ونلاين قابىلداۋدا اتاۋلى الەۋمەتتىك كومەك سۇراعاندار دا ءجيى كەزدەسەدى. اكىم ورىنباسارى ااك-ءتىڭ ۋاقىتشا كومەك ەكەنىن، وتباسىنىڭ ءاربىر مۇشەسىنە كەدەيلىك شەگىنەن اسپايتىن جان باسىنا شاققانداعى ورتاشا تابىسى بار ازاماتتارعا تاعايىندالاتىنىن جەتكىزدى.
ايتا كەتسەك، كەدەيلىك شەگى كۇنكورىس دەڭگەيىنىڭ 70% نەمەسە 2022 جىلدىڭ 1 توقسانىنا ورتا ەسەپپەن 25 031 تەڭگە بولىپ بەلگىلەندى .
سونىمەن قاتار، قابىلداۋدا ااك-كە تاۋەلدى بولماي، جۇمىسقا ورنالاسىپ، تابىسىن ەسەلەگىسى كەلەتىن تۇرعىندار دا بولدى. وسى ورايدا، ەرعالي داۋلەتبەكۇلى جۇمىسپەن قامتۋ ورتالىعىنىڭ قىزمەتكەرلەرىنە ناقتى تاپسىرمالار جۇكتەدى.
