Beeline جامبىل وبلىسىندا بايلانىستى بەلسەندى تۇردە جاقسارتۋدا.
وتكەن 2021 جىل ءموبيلدى وپەراتور ءۇشىن وتە ءتيىمدى بولدى: جاڭا بازالىق ستانتسيالار جۇمىس جاساي باستادى، سونداي-اق جەكە ەلدى مەكەندەردە جاڭا تەحنولوگيالار ىسكە قوسىلدى.
اۋدان اكىمشىلىكتەرىنىڭ بەلسەندى قولداۋى مەن بارلىق بولىمدەردىڭ ورتالىقتاندىرىلعان جۇمىسى كەزىندە، جىل ىشىندە Beeline 14 بازالىق ستانتسيالاردى قۇرىپ، ەفيرگە شىعاردى. بۇل ماقتانۋعا بولاتىن كولەم، سەبەبى جاڭا انتەننا-دىڭگەكتى قۇرىلىستاردى سالۋ ورتاشا العاندا 3 ايدان باستاپ، ءبىر جىلعا دەيىن ۋاقىت الادى.
ەندى 3G جانە4G تەحنولوگيالارىنا مىنا ەلدى مەكەندەردە قوسىلۋعا بولادى: سۇرات اۋىلى(مەركە اۋدانى), ارال، جاڭاتۇرمىس (قورداي اۋدانى), قاراكەمەر (جامبىل اۋدانى), كوكدونەن، تۇرار، جاقسىلىق (رىسقۇلوۆ اۋدانى), مىرزاتا (بايزاق اۋدانى), ايدارلى (مويىنقۇم اۋدانى), شاقپاقاتا مەن قاراساز (جۋالى اۋدانى), يگىلىك، ءوندىرىس (سارىسۋ اۋدانى), تامدى (تالاس اۋدانى).
ال وبلىستىڭ تاراز، شۋ، قاراتاۋ مەن جاڭاتاس قالالارىندا 2021 جىلدىڭ باسىندا قوسىمشا جيىلىكتەر ىسكە قوسىلدى، بۇل جەلىنىڭجۇكتەمەسىن ازايتىپ، 4G جىلدامدىعىن 2 ەسە ارتتىرۋعا مۇمكىندىك بەردى.
«250+» جوباسىنىڭ وپەراتورلارى اراسىنداعى شەرينگ جوباسى شەڭبەرىندە 8 بازالىق ستانتسياسالىندى جانە ىسكە قوسىلدى. 3G جانە 4G بايلانىسى ەندى كەرۋ، سوعاندى كەنتتەرى، اششىبۇلاق، اقتوعاي، اقەرمەن، اقجول، كوشەكباتىر جانە قوشامان اۋىلدارىنىڭ تۇرعىندارىنا قولجەتىمدى.
«ءبىز جامبىل وبلىسىنداعى تارالىم ساپاسىن جاقسارتۋىمەن عانا ەمەس، سونداي-اق تۇرعىندارى ءۇشىن وزىق تەحنولوگيالارعا، مىسالى، DualBeam سياقتى، قوسىلۋ مۇمكىندىگىن قامتاماسىز ەتۋگە تىرىسامىز» — دەيدى Beeline-نىڭ تاراز قالاسىنداعى تەحنيكالىق ءبولىم باستىعى الماز اسانوۆ.
قازاقستاندا العاشقى رەت، اتاپ ايتقاندا جامبىل وبلىسىندا، ماسانچي كەنتىندە ەكىساۋلەلى انتەننا (DualBeam) تەحنولوگياسى سىناقتان ءوتتى جانە ەنگىزىلدى. بۇل ەكى بازالىق ستانتسيانىڭ سىيىمدىلىعىن 4 ەسە كەڭەيتىگە مۇمكىندىك بەردى.
سونداي-اق FWA تەحنولوگياسى — ءموبيلدى جەلى نەگىزىندە تىركەلگەن كەڭجولاقتى قوسىلۋ مۇمكىندىگى – قۇلان كەنتىندە ىسكە قوسىلدى. FWA تەحنولوگياسىنىڭ ارقاسىندا اۋىل تۇرعىندارى ۇيدەگى شاپشاڭ ينتەرنەت قوسىلا الاتىن بولدى.
جالپى جامبىل وبلىسى بويىنشا 2G مەن 3G تەحنولوگيالارى بولعان بارلىق 95 بازالىق ستانتسيادا، قوسىمشا 4G بايلانىس قوسىلدى.
Beeline-نىڭ بارلىق جاڭارتۋلارى ءموبيلدى ينتەرنەت بايلانىسىنىڭ ساپاسى مەن جىلدامدىعىنا ايتارلىقتاي اسەر ەتەتىنىناتاپ وتكەن ءجون. ستاتيستيكاعا سۇيەنسەك، بىلتىر جامبىل وبلىسىندا 4G ترافيگىن تۇتىنۋدىڭ جالپى مولشەرى 66%-عا ءوستى. 2021 جىلعى جەلتوقسان ايىنداعى دەرەكتەر بويىنشا، وبلىستاعى Beeline ابونەنتتەرىنىڭ 74%-ى ءموبيلدى ينتەرنەتتى پايدالانادى. ورتاشا العاندا، Beeline كليەنتى ايىنا شامامەن 19 گب تۇتىنادى.
