مەن نەگىزى كولىكقۇمار دەي مە حانىمداردىڭ قاتارىنان ەمەسپىن. بىراق ارىپتەستەرىمنەن كەلگەن مىنا اقپارات قۋانتتى. سىزدەرگە دە ايتايىن.
• ءبىزدىڭ قوستانايلىق اۆتووندىرۋشىلەردىڭ ەكسپورتقا اۆتوموبيل شىعارىپ جاتقانىن بىلەتىن بە ەدىڭىزدەر؟ ماسەلەن، JAC, Ghevrolet, Kia, Lada, Renault, UAZ جانە SAZ سياقتى برەندتەردىڭ اۆتوموبيلدەرى قۇراستىرىلاتىن «سارىارقااۆتوپروم» زاۋىتى وتكەن جىلى 7593 بىرلىك كولىكتى ەكسپورتتاعان.
• وتاندىق وندىرىستەگى اۆتوموبيلدەر رەسەيگە، قىرعىزستانعا، وزبەكستانعا، ءازىربايجان مەن بەلورۋس ەلىنە ەكسپورتقا جىبەرىلىپتى.
• ال بيىل قوستانايلىق ءاۆتووندىرۋشى Chevrolet Nexia (قۋاتتىلىعى – 30 000 دانا), Sportage (15 000 دانا) جانە Lada Granta `10 000) CKD (ۇساق توراپتى) ءوندىرىسىن ىسكە قوسۋدى جوسپارلاپ وتىر.
بۇل اقپاراتتار – بۇگىنگى «اگروماشحولدينگKZ»، «سارىارقااۆتوپروم» جانە «KamLitKZ» كومپانيالارىنىڭ اشىق ەسىك كۇندەرىندە ايتىلىپتى.
وندا قازاقستاندىق جۋرناليستەر مەن بلوگەرلەر قوستانايدا ىسكە قوسىلعان لوكاليزاتسيالىق ورتالىقتا بولىپ، مەتالدى ءپىشۋ، يۋ، دانەكەرلەۋ، بوياۋ جانە پلاستيك كومپونەنتتەرىن ءوندىرۋ سياقتى بارلىق وندىرىستىك پروتسەستەرمەن تانىسىپتى.
ايتا كەتۋ كەرەك، بۇل زاۋىت - قازاقستانداعى ءوندىرىستى وقشاۋلاندىرۋدى ۇلعايتۋ بويىنشا العاشقى اۋقىمدى جوبا بولىپ تابىلادى.
مىنا كادرلاردان كورىپ تۇرعاندارىڭىزداي، 36 مىڭ شارشى مەتر اۋماقتا امبەباپ شەبەرحانالار، زاماناۋي قۇرال-جابدىقتار، وقۋ ورتالىعى، اكىمشىلىك-تۇرمىستىق كەشەن جانە زاۋىت جۇمىسشىلارىنا ارنالعان جاتاقحاناسى قوسا بار ەكەن. وتكەن جىلى زاۋىت 597 دانا كولەمىندە كومبايندارعا، تراكتورلارعا جانە اسپالى تەحنيكاعا ارنالعان بولشەكتەر، اگرەگاتتار مەن توراپتار ءوندىرىسىن يگەرسە، و سى كەزەڭدە 13 183 بىرلىك بولشەكتەر مەن توراپتار وندىرگەن.
ايتا كەتۋ كەرەك، «اگروماشحولدينگKZ» ءونىم توبىنا «ESSIL» استىق جانە جەم ءشوپ جينايتىن كومبايندار، LOVOL تراكتورلارى، «Deutz-Fahr» كومبايندارى مەن تراكتورلارى، «التىن د»نا سەپكىشتەرى مەن اسپالى جانە تىركەمەلەرى تەحنيكا كىرەدى.
سونداي-اق جۋرناليستەر، «سارىارقااۆتوپروم» زاۋىتىنداعى قوستانايلىق اۆتوموبيلدەر ءوندىرىسىنىڭ پروتسەسىمەن دە تانىستى.
قوستانايلىق ءاۆتووندىرۋشى 2021 جىلى 60 مىڭنان استام، 2020 جىلى 4050 بىرلىك، 2019 جىلى 25 875 بىرلىك اۆتوموبيل قۇراپ شىعارعان. جاقسى جاڭالىقتى دا ءبولىسىپ تۇرايىن دەگەن نيەتپەن ءبولىسىپ وتىرمىن.
يرينا سوۆەتجانقىزى
