قاڭتار ايىندا قازاقستاننان شەتەلگە 2,6 ترلن تەڭگە اۋدارىلدى، بۇل وتكەن جىلدىڭ سايكەس ايىمەن سالىستىرعاندا 900 ملرد-قا از. بۇل تۋرالى پارلامەنت ماجىلىسىندەگى «اق جول» فراكتسياسى دەپۋتاتتارىنىڭ ساۋالىنا قارجى مونيتورينگى اگەنتتىگىنەن حابارلادى، دەپ جازادى "ادىرنا" ۇلتتىق پورتالى.
"ۇلتتىق بانكپەن جانە قارجى نارىعىن رەتتەۋ جانە دامىتۋ اگەنتتىگىمەن بىرلەسە وتىرىپ، ءبىز كۇدىكتى ترانسشەكارالىق اۋدارىمدارعا كۇشەيتىلگەن مونيتورينگتى ورناتتىق. بيىل ەل اۋماعىنان زاڭسىز اقشا اۋدارۋ قاۋپى جوعارى جالپى سوماسى 150 ملرد تەڭگەدەن اساتىن كۇدىكتى وپەراتسيالار ءۇش ەسە توقتاتىلدى. ماتەريالدار قۇقىق قورعاۋ ورگاندارىنا جىبەرىلدى. قابىلدانعان شارالاردىڭ ارقاسىندا شەتەلگە قاراجاتتى شىعارۋدا قالىپتى ءوسىم بايقالمايدى»، - دەلىنگەن ۆەدومستۆو حابارلاماسىندا.
قاڭتار ايىندا قازاقستاننان:
اقش – قا - 1,1 ترلن تەڭگە;
رەسەيگە – 814 ملرد تەڭگە;
ۇلىبريتانياعا – 176 ملرد تەڭگە;
قىتايعا – 80 ملرد تەڭگە;
گەرمانياعا - 79,7 ملرد تەڭگە;
ليحتەنشتەينگە – 44,5 ملرد تەڭگە;
شۆەيتسارياعا – 43,8 ملرد تەڭگە;
گونكونگقا - 30 ملرد تەڭگە;
ءباا – نە - 29,4 ملرد تەڭگە اۋدارىلدى.
"ادىرنا" ۇلتتىق پورتالى
