Qaŋtar aiynda Qazaqstannan şetelge 2,6 trln teŋge audaryldy, būl ötken jyldyŋ säikes aiymen salystyrǧanda 900 mlrd-qa az. Būl turaly Parlament Mäjılısındegı «Aq jol» fraksiiasy deputattarynyŋ saualyna Qarjy monitoringı agenttıgınen habarlady, dep jazady "Adyrna" ūlttyq portaly.
"Ūlttyq bankpen jäne Qarjy naryǧyn retteu jäne damytu agenttıgımen bırlese otyryp, bız küdıktı transşekaralyq audarymdarǧa küşeitılgen monitoringtı ornattyq. Biyl el aumaǧynan zaŋsyz aqşa audaru qaupı joǧary jalpy somasy 150 mlrd teŋgeden asatyn küdıktı operasiialar üş ese toqtatyldy. Materialdar qūqyq qorǧau organdaryna jıberıldı. Qabyldanǧan şaralardyŋ arqasynda şetelge qarajatty şyǧaruda qalypty ösım baiqalmaidy», - delıngen vedomstvo habarlamasynda.
Qaŋtar aiynda Qazaqstannan:
AQŞ – qa - 1,1 trln teŋge;
Reseige – 814 mlrd teŋge;
Ūlybritaniiaǧa – 176 mlrd teŋge;
Qytaiǧa – 80 mlrd teŋge;
Germaniiaǧa - 79,7 mlrd teŋge;
Lihtenşteinge – 44,5 mlrd teŋge;
Şveisariiaǧa – 43,8 mlrd teŋge;
Gonkongqa - 30 mlrd teŋge;
BAÄ – ne - 29,4 mlrd teŋge audaryldy.
"Adyrna" ūlttyq portaly
