شىمكەنتتە وتكەن جىلى شالعاي ورنالاسقان 14 ەلدى مەكەنگە بازالىق ستانتسيا ورناتىلىپ، ءموبيلدى ينتەرنەت جەلىسىمەن قامتۋ كورسەتكىشى 91% جەتتى.
بۇل تۋرالى تسيفرلاندىرۋ باسقارماسىنىڭ باسشىسى اسەت ءابدىراحانوۆ @akimat_shymkent ينستاگرام پاراقشاسىندا وتكەن تىكەلەي ەفير بارىسىندا باياندادى.
باسقارما باسشىسىنىڭ سوزىنشە، 2022 جىلى ينتەرنەت ساپاسى تومەن 11 ەلدى مەكەنگە بازالىق ستانتسيا ورناتىلادى. ولار: اقنيەت، قىزىلجار، مارتوبە، دوستىق، جاڭاتالاپ، ەلتاي جانە توعىس، تاۋەلسىزدىككە 20 جىل، ازات، تۇران، اسار جانە قۇرساي شاعىن اۋداندارى. ناتيجەسىندە، 71 200 قالا تۇرعىنى ساپالى ينتەرنەتكە قول جەتكىزىپ، قامتۋ ۇلەسى 95% جەتەدى.
–2021 جىلى جەكە ينۆەستور ەسەبىنەن 10 ەلدى مەكەنگە تالشىقى وپتيكا جەلىسى جۇرگىزىلىپ، 100 مىڭعا جۋىق قالا تۇرعىنى ساپالى ينتەرنەتكە قوسىلۋعا مۇمكىندىك جاسالدى. ال، 2022 جىلعى جوسپار بويىنشا، 15 قالادان ەلدى مەكەن (سامال-3, اقنيەت، قىزىلجار، ىنتىماق، جايلاۋ، قاراسۋ، سولتۇستىك-باتىس، قاراباستاۋ، زابادام، ميراس، مارتوبە، اسار-2, قايناربۇلاق، قۇرساي، قازىعۇرت) تالشىقتى وپتيكا جەلىسىمەن قامتىلادى، - دەدى ءا.ءابدىراحانوۆ.
وتكەن جىلى Ubiquiti Networks تەحنولوگياسى ارقىلى قالاداعى 30 قوعامدىق ورىنعا تەگىن WI-FI ىسكە قوسىلعان. بيىل قوعامدىق ورىنداردى ينتەرنەتپەن تولىق قامتۋ ءۇشىن 9 جەرگە 25 قۇرىلعى ورناتىلادى.
ەفير بارىسىندا تۇرعىنداردان 70-تەن استام سۇراق كەلىپ ءتۇستى. باسقارما باسىشىسى ءار ءبىر تۇرعىننىڭ سۇراعىنا جەكە جاۋاپ بەردى.
