قر ەنەرگەتيكا مينيسترلىگىنىڭ اتوم ەنەرگەتيكاسى جانە ونەركاسىپ دەپارتامەنتىنىڭ ديرەكتورى جاسلان كاسەنوۆ قازاقستاندا اەس سالۋعا شامامەن قانشا ملردتار كەتەتىنىن اشىپ ايتتى، دەپ حابارلايدى “ادىرنا” ۇلتتىق پورتالى.
"سوماسىنا كەلەتىن بولساق. حالىقارالىق تاجىريبە كورسەتكەندەي، قۋاتتىلىعى 1000-1200 مەگاۆاتت بولاتىن ءبىر ەنەرگوبلوك قۇرىلىسى شامامەن 5 ميلليارد دوللار تۇرادى.
بۇل حالىقارالىق تاجىريبە ەكەنىن، اتوم ەلەكتر ستانتسياسىن سالۋدىڭ الەمدىك نارىعى كورسەتىپ وتىرعان باعا ەكەنىن تاعى دا ايتامىن. ارينە، دالىرەك سومانى ناقتى مەردىگەردى انىقتاعاننان كەيىن جانە كەلىسسوزدەر بارىسىندا عانا انىقتاۋعا بولادى. بۇل كوپتەگەن فاكتورعا بايلانىستى. بىراق بولجامدى سوما - وسى", - دەدى كاسەنوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا جۋرناليستەردىڭ سۇراقتارىنا جاۋاپ بەرە وتىرىپ.
“ادىرنا” ۇلتتىق پورتالى
