كەز كەلگەن ءىس يدەيادان باستالادى. يدەيا ادەتتە مازمۇندى اڭگىمەدەن، وقىعان كىتاپتان، كورگەن كينودان، تەرەڭ ويدان، تاماشا تابيعاتتان، باستان وتكەرگەن قۋانىشتان نەمەسە قيىندىقتان، اسقاق ارماننان تۋادى.
ادام باسىنا كۇندە كوپتەگەن يدەيا كەلەدى. وكىنىشكە قاراي، يدەيانىڭ كوپشىلىگى ىسكە اسپاي قالادى.
وتكەن جىلى قىركۇيەكتە “قازان ايىنىڭ اسپانى” (October sky) دەگەن كينو كورىپ، شابىت الىپ، پوست جازعانىم بار. https://www.facebook.com/100001379640702/posts/4513828865339724/?d=n
جازدىم دا ءبىلىم جانە عىلىم ءمينيسترى Askhat Aimagambetovكە حابارلاستىم. مينيستر قولداي كەتتى. كەلەر جىلى وسىنداي كورمەنى شىمكەنتتە وتكىزەتىن بولىپ كەلىستىك. كەشەدەن بەرى شىمكەنتتە عىلىمي جوبالار كونكۋرسى ءوتىپ جاتىر. بايتاق ەلىمىزدىڭ تۇكپىر-تۇكپىرىنەن 700-دەن اسا عالىم-وقۋشىلار شىمقالاعا كەلىپ، ءوز جوبالارىن تانىستىرىپ جاتىر.
وقۋشىلاردىڭ كوبى شىمكەنتكە بۇرىن سوڭدى كەلمەگەن ەكەن. اسىرەسە، قارى قالىڭ وڭىرلەردەن كەلگەن وقۋشىلارعا اۋا-رايى +14-15 بولىپ تۇرعان شىمەنت قالاسى ۇناپ جاتىر.
’
وقۋشىلاردىڭ ونەرتابىستارى ءارتۇرلى. ءبىر وقۋشى كۇننەن قۋات الاتىن قۇرىلعىنى ارزان ەتىپ جاساۋدى ويلاپ تاۋىپتى. ەكى وقۋشى بلوكچەين تەحنولوگياسىن ودان ءارى دامىتىپ، كوپتەگەن قولدانبالى ادىستەر ۇسىنادى. ايتا بەرسەڭ كوپ. كورۋ كەرەك، وقۋشىلاردى تىڭداۋ كەرەك.
مۇنداي كورمە امەريكادا جىل سايىن ونەرتاپقىش وقۋشىلار اراسىندا وتەدى. ونى “science fair” دەپ اتايدى. بۇل كورمە اقش-تا ۇلكەن وقيعا. ۋنيۆەرسيتەتتەر بولاشاق عالىمداردى وسى كورمەدەن تابادى. گرنات ۇسىنادى. جوعارعى وقۋ ورىندارى وقۋشىلارعا تالاسادى.
الداعى جىلدارى عىلىمي جوبالار كونكۋرسى بىزدە دە جۇرتشىلىق پەن جوعارعى وقۋ ورىندارى كوز تىگەتىن ۇلكەن وقيعاعا اينالاتىنىنا سەنىمىم مول.
ءىس-شارانى جوعارعى دەڭگەيدە وتكىزۋگە اتسالىسقان عىلىم جانە مينيسترلىگىنە، قالالىق ءبىلىم باسقارماسى مەن دارىن ورتالىعىنا، وڭىرلەردەگى باسقارمالارعا، اتا-انالار مەن دارىندى وقۋشىلارعا العىس ايتامىن.
شىڭعىس مۇقان Facebook پاراقشاسىنان
