Kez kelgen is ıdeıadan bastalady. Ideıa ádette mazmundy áńgimeden, oqyǵan kitaptan, kórgen kınodan, tereń oıdan, tamasha tabıǵattan, bastan ótkergen qýanyshtan nemese qıyndyqtan, asqaq armannan týady.
Adam basyna kúnde kóptegen ıdeıa keledi. Ókinishke qaraı, ıdeıanyń kópshiligi iske aspaı qalady.
Ótken jyly qyrkúıekte “Qazan aıynyń aspany” (October sky) degen kıno kórip, shabyt alyp, post jazǵanym bar. https://www.facebook.com/100001379640702/posts/4513828865339724/?d=n
Jazdym da Bilim jáne ǵylym mınıstri Askhat Aimagambetovke habarlastym. Mınıstr qoldaı ketti. Keler jyly osyndaı kórmeni Shymkentte ótkizetin bolyp kelistik. Kesheden beri Shymkentte Ǵylymı jobalar konkýrsy ótip jatyr. Baıtaq elimizdiń túkpir-túkpirinen 700-den asa ǵalym-oqýshylar Shymqalaǵa kelip, óz jobalaryn tanystyryp jatyr.
Oqýshylardyń kóbi Shymkentke buryn sońdy kelmegen eken. Ásirese, qary qalyń óńirlerden kelgen oqýshylarǵa aýa-raıy +14-15 bolyp turǵan Shyment qalasy unap jatyr.
’
Oqýshylardyń ónertabystary ártúrli. Bir oqýshy kúnnen qýat alatyn qurylǵyny arzan etip jasaýdy oılap taýypty. Eki oqýshy blokcheın tehnologııasyn odan ári damytyp, kóptegen qoldanbaly ádister usynady. Aıta berseń kóp. Kórý kerek, oqýshylardy tyńdaý kerek.
Mundaı kórme Amerıkada jyl saıyn ónertapqysh oqýshylar arasynda ótedi. Ony “science fair” dep ataıdy. Bul kórme AQSh-ta úlken oqıǵa. Ýnıversıtetter bolashaq ǵalymdardy osy kórmeden tabady. Grnat usynady. Joǵarǵy oqý oryndary oqýshylarǵa talasady.
Aldaǵy jyldary ǵylymı jobalar konkýrsy bizde de jurtshylyq pen joǵarǵy oqý oryndary kóz tigetin úlken oqıǵaǵa aınalatynyna senimim mol.
Is-sharany joǵarǵy deńgeıde ótkizýge atsalysqan Ǵylym jáne mınıstrligine, qalalyq Bilim basqarmasy men Daryn ortalyǵyna, óńirlerdegi basqarmalarǵa, ata-analar men daryndy oqýshylarǵa alǵys aıtamyn.
Shyńǵys Muqan Facebook paraqshasynan
